Ang aktor na si Richard Gomez ay dumating sa venue kasama ang asawang kongresista na si Lucy Torres. Si Richard ay nagsisilbing chief of staff ng kanyang maybahay.

Sa ilang panayam ni Richard sa media, nagpahayag ito ng kanyang intensiyong tumakbo bilang alkalde ng Ormoc City, Leyte, sa darating na 2013 elections.

Si Senador Lito Lapid ay isa sa apat na incumbent senators ng Pilipinas na nagmula sa showbiz. Ang tatlo pa ay sina Senador Jinggoy Estrada, Senador Tito Sotto, at Senador Bong Revilla.

Si Atty. Persida Acosta ay kilala hindi lamang sa kanyang posisyon bilang Chief ng Public Attorneys Office (PAO), kundi bilang host ng kanyang programang Public Attorni sa TV5.

Suot ni Atty. Acosta ang isang dilaw na gown na gawa ni Ding Marquez. Ito ay may yellow ribbon sa kaliwang balikat na siyang simbolo/logo ni Pangulong Noynoy Aquino.

Dumalo rin ang dating Miss Universe from Colombia na si Stella Marquez-Araneta bilang panauhin ni Senador Bongbong Marcos.

Suot ni Ma'am Stella ang isang long dress na gawa ni American designer Badgley Mischka. Pinatungan niya ito ng embroidered na alampay mula sa Negros.

Kasama ni Quezon City 2nd district Congressman Winnie Castelo (gitna) ang kanyang maybahay na si Precious Hipolito-Castelo (kaliwa) at anak na si Winona (kanan).

Si Precious ay dating child actress at newscaster bago pumasok sa pulitika bilang konsehala. Nagwagi siya ng FAMAS Best Child Actress award para sa pelikulang Mga Anghel Ng Diyos noong 1988.

Magkasamang dumating ang mag-inang Baby Arenas (kaliwa) at Rachel Arenas (kanan), Congresswoman ng 3rd district ng Pangasinan. Suot nila ang likha ni Paul Cabral.

Tulad ng mag-asawang Richard Gomez at Lucy Torres, suot din ng mag-asawang Sonny at Tootsie Angara ang mga likha ng designer na si Randy Ortiz.

Si Sonny Angara ay congressman ng lone district of Aurora at anak ni Senador Edgardo Angara.

Si Zyrene Parsad-Valencia ang host ng Pulsong Pinoy sa PTV-4. Matatandaang siya rin ang napiling umawit ng "Lupang Hinirang" sa boxing match ni Congressman Manny Pacquiao laban sa Mexicanong si Antonio Margarito noong 2010.

Kasama niya ang asawang si Nikko Valencia, anak ni Oriental Mindoro 1st district Congressman Rodolfo Valencia.

Kasamang dumating ni Davao City 1st district Congressman Karlo Nograles ang maybahay niyang si Marga Nograles. Suot ni Marga ang embroidered lilac terno na likha ni Bobby Castillo.

Kulay gray din ang suot na off-shoulder gown ni Atty. Yvonne Tupas, asawa ni Iloilo 5th district Congressman Neil Tupas. Ang damit ni Atty. Tupas ay likha ni Edgar San Diego.

Authentic Indian sari naman ang suot ng anak ni Northern Samar Representative Raul Daza na si Gina Daza-Sadhwani. Regalo ito sa kanya ng kanyang mother-in-law na isang Indian national.