Ipinapakita sa litrato ang ilang artistang nagtipun-tipon bago pumasok ng sinehan: (L-R) ang komedyanteng si Pokwang, ang beteranang aktres na si Daria Ramirez, si Governor Vilma, at isa pang magaling na aktres na si Janice de Belen bago.

Gumanap na Manang Elsa, ang faith healer sa The Healing, si Daria. Bagamat napagaling niya ang mga karakter ni Alma (Pokwang) na may diabetes, at ang anak ni Cita (Janice de Belen) na si Kakay (Abby Bautista) na may high fever, nagkaroon ng consequences ang mabilis na paghilom ng kanilang mga sakit.

Makikita sa litrato (L-R) sina Allan Paule, Jhong Hilario, at Cris Villanueva, na kasama sa ensemble cast ng The Healing.

Sa pelikula, isa sa mga napagaling ng faith healer si Ding (Cris) na may sakit sa balat na Psoriasis. Gumanap na Ruben, asawa ni Greta (Ynez Veneracion) si Allan Paule.

Importante rin ang karakter ng dancer turned actor na si Jhong Hilario, na gumanap na Dario. Ang misteryosong karakter ni Dario ay binuhay mula sa patay ng faith healer—isang bagay na matinding ipinagbabawal na gawin ng mga albularyo.

Ang litrato ay kuha matapos ipalabas ang The Healing sa sinehan. Ipinapakita (L-R) sina Direk Chito, Governor Vi, at Kim Chiu matapos makatanggap ng mga bati mula sa mga kasama nilang nanood sa premiere screening.

Bago pa man lumakad sa red carpet ang cast members ng The Healing ay dumating na ang ilang talents ng Star Magic tulad ni Piolo Pascual.

Fit na fit ngayon si Piolo dahil seryosong nagte-training ito para sa "Ironman" race na gagawin nitong Agosto. Kasama ni Piolo ang Timex team, kung saan siya ay endorser, at ang training nila madalas ay sa Clark.

Samantala, magkasabay na dumating ang showbiz couple na sina Matteo Guidicelli at Maja Salvador.

Si Matteo ay isa ring triathlete, at mukhang nagte-training din para sa "Ironman."

Humabol na lamang ang aktor na si Sam Milby sa cast party sa SumoSam restaurant matapos ang premiere screening.