Ang mga awiting kinanta noong gabing iyon ay hango sa mga awitin na makikita sa The Reunion: An Eraserheads Reunion Album.

Bukod pa roon, isang pelikula din ang ipalalabas ng Star Cinema na pinamagatang The Reunion, na pagbibidahan nina (L-R) Bangs Garcia, Kean Cipriano, Matt Evans, at Xian Lim.

Ilan pa sa mga makakasama nila'y sina Enchong Dee, Enrique Gil, Jessy Mendiola at Cristine Reyes. Liban kay Viva talent Cristine, lahat sila ay tiga-Star Magic.

Sinimulan ng bandang 6cyclemind ang masayang gabi ng kantahan sa pagkanta ng kanilang single na "Basta Ako," at ng revival nila ng kantang "Alapaap." Ang nasa larawan ay sina Tuti Caringal (kaliwa), at Eunice Jorge (kanan) ng bandang Gracenote.

Matapos ang kuwelang pagkanta ng "Penge Naman Ako Nyan," pinaalalahanan naman ng bandang Itchyworms ang mga tao na huwag basta-basta naniniwala sa mga sabi-sabi.

Ito'y sa pamamagitan ng kantang "Maling Akala."

Isang mainit na pagbati naman agad na ibinigay ng bandang Mayonnaise nang umakyat sila sa stage.

Ang grupo'y binubuo nina (L-R) Poch Villalon, Shan regalado (nasa drums), Monty Macalino, at Paga Manikan.

Nabigyan naman ng pagkakataon ang acoustic singer na si Johnoy Danao na awitin ang kanyang orihinal na komposisyon na "Ulan." Para sa tribute album na ito, kanyang inawit ang "Pare Ko," na tungkol sa isang lalaking umibig sa isang kolehiyalang pinaasa lamang siya.

Ang mga lalaking ito na may face paint ay sina (L-R) Angelo del Pilar, Harlon Agsaoay, at Philipp Jertie Alejandro ng bandang Tanya Markova.

Kinanta nila ang nakakaaliw nilang single na "Disneyland" at ang revival ng awiting "Hey Jay."

Ang keyboardist naman ng bandang Southborder na si Jay Durias ay nag-produce na rin ng kanyang solo album, kahit kabilang pa rin siya sa kanilang banda.

Ang kanyang inawit nang gabing iyon ay ang sikat na kanta ng Eraserheads na "Huling El Bimbo."

Ang pinakahuling banda na nag-perform nang gabing iyon ay ang Callilily, kung saan lead vocalist ang singer-actor na si Kean Cipriano.

Ngunit hindi lamang sa activity center nag-ikot si Kean. Umakyat pa ito sa second floor ng mall at nag-ikot habang kinakanta ang kanilang original hit na "Wala na Tayo."

Hingal na hingal si Kean matapos ang performance na iyon, at sa pagod niya'y nagtanong pa siya, "Seryoso, asan ‘yong escalator?"