Pagiging sexy naman ang naging tema ng short film na kinabilangan ni Lovi, ang Kama. Ito ay ginawa ni Direk Borgy Torre.

Dahil sa suportang ibinibigay ng Bench kay Lovi—tulad ng pagbigay dito ng kauna-unahan niyang EDSA billboard—hindi na raw siya nagdalawang-isip na tanggapin ang proyekto.

"I'm very honored to be part of this film showing, especially coming from the point where I'm really not an actress. This is fun to do!" sabi ni Lucy.

Tuluy-tuloy naman ang hiyawan sa kwelang Kontrabida pa rin at 84 ni Direk Joey Reyes. Dito, ipinakita ng batikang aktres na si Bella Flores—kontrabida ng di mabilang na mga pelikula, mula pa Sampaguita Pictures days—kung paano maging mahusay na kontrabida sa pelikula at telebisyon.

Sa huli ay tumawa pa si Bella at sinabing: "Bidas may come and go, but kontrabidas never fade."

Kasama rin sa mga naimbitahan ang mga anak ng pumanaw na Comedy King Dolphy. Isa sa kanila ay si Eric Quizon, isang aktor/direktor, na nagpapasalamat sa pagbibigay-pugay ng Bench sa kanilang ama.