Bandang alas 7:30 ng umaga nang magsimula ang parada ng apat na kalahok na teams.

Muse ng Blue Team sina (photo right) Coleen Garcia (left) na co-host sa It's Showtime! at Michelle Vito (right) ng teleseryeng Aryana.

Naging muse naman ng Red Team ang magkaibigang sina Julia Montes at Kathryn Bernardo na sumikat nang magsama sa Mara Clara.

Si Julia ay kasama ngayon sa cast ng Walang Hanggan samantalang si Kathryn ay bida sa Princess and I.

Excited sina Ashley Colet (left) at Zaijian Jaranilla ng Yellow Team sa parade of colors. Kuha ito habang papasok sila ng gym para sa opening ceremonies. Muse ng kanilang koponan sina Yen Santos at Bianca Casado.

Bago sinimulan ang sportsfest ay nagsalita muna ang tinaguriang Ultimate Hunk ng Star Magic na si Piolo Pascual (center) para magpasalamat sa mga nag-participate sa palaro.

Nagsilbing hosts naman ng Star Magic Games opening sina Pokwang (left), na kasama sa palabas na pelikula ngayong The Healing, at Robbie Domingo (right) na product ng PBB Teens at contract artist din ng Star Magic.

Ang hosts ng opening program na sina Pokwang (left) at Robbie (right) bago ang warm-up dance na Zumba.

Pagsimula ng tugtog ay humataw sa pagsayaw si Pokwang sa may bleachers kasama ang kapwa komedyanteng si Chokoleit.

Bago nagsimula ang games ay nag-warm-up muna sa pamamagitan ng Zumba ang mga kasali at dumalo sa Star Magic Games.

Bigay-todo sa pagsayaw sina (top photo, L-R) Thess Gubi, Star Magic publicist; Gidget dela Cuesta at kapwa niya talent handler na si Nhilla Mallari.

Hataw din lalung-laluna ang childstars sa Zumba (middle and bottom photos).

Kapwa sumali sa basketball ang dalawa sa tatlong leading men ni Kathryn Bernardo sa Princess and I, na sina Khalil Ramos (left) at Daniel Padilla (right). Ang isa pa sa kanilang tatlo ay si Enrique Gil (wala sa litrato).

"Ang dami namang nakain ni Igi Boy!" biro ng PEP.ph sa binatilyong star ng Sunday afternoon comedy show na LUV U, dahil nakasabay naming nananghalian ito sa isang sulok.

Pero ang nakikitang pinagkainan sa tabi ni Igi Boy Flores ay sa kanila ng kapwa teenstar na si John Manalo, na pansumandaling umalis para kumuha ng kanilang inumin.

"Ay, nakalimutan kong ako rin pala si Julia!" natatawang sabi ni Julia Montes nang lumingon, matapos ang tatlong beses na pagtawag namin sa kanya.

Ang totong pangalan ni Julia ay Mara Hautea Schnittka.

"Baka affected kasi balitang wala na sila ni Enchong Dee," pabirong konklusyon naman ng kasamang writer. Sinasabi kasing may "problema" sa pagitan nina Julia at ng nababalitang masugid niyang manliligaw na si Enchong.

Akmang papunta naman sa dining area ng mga artista si Carlos Agassi nang magpaunlak para sa larawang ito.

Si Carlos ay kasama sa Star Circle Batch 3 ng Star Magic.

Dahil karamihan ng hosts ng Sunday variety program na ASAP 2012 ay nasa Star Magic Games sa Celebrity Soprts Plaza, doon na rin ginawa ang remote broadcast ng "Chill Out" segment ng show.

Nakasama ni Robbie Domingo (second from right) bilang hosts ang kambal na sina Joj at Jai Agpangan (3rd Big Winners sa huling Pinoy Big Brother Teen Edition).

Ininterbyu nila ang guests, gaya ng child stars na sina Bugoy Cariño (left) at Xyriel Manabat (right).

Buong umaga ay paikut-ikot ang child actor na si Zaijian Jaranilla (in yellow), kalaro ang kapwa mga bata.

Nang mapagod ay nagpahinga at kumain ito, kasama ng star ng Lorenzo's Time si Joshen Bernardo (right), na makikita naman sa Angelito: Batang Ama (Ikalawang Yugto).

Isa sa paboritong kakulitan ni Zaijian nang umagang iyon ay ang child actress na si Xyriel Manabat.

Nang mapagod din ang batang aktres ay lumabas at nag-iikot sa lugar ng food stalls para kumain.

Bago ng championship game sa basketball, kung saan ang naglaban ay ang yellow at blue teams, ay namigay ng pahabang puting lobo.

Bago pa man magsimula ang laban, pumutok na ang karamihan ng mga lobo na hawak ng mga batang artista dahil sa kalalaro sa mga ito.

Sa may lobby sa harapan ng Celebrity Sports Plaza, naroon ang ilang Star Magic staff para sa registration. Dito kinukuha ng mga kasali sa games ang tamang kulay ng T-shirt na kanilang isusuot sa palaro.

(CLICK HERE to view part 2)