Si Eric ay nagtatrabaho sa American President Lines, isang shipping at container transportation company. Si Melissa ay lumalabas sa mga GMA-7 teleserye, gaya ng Broken Vow.

Ang Christian/garden wedding ay in-officiate ni Pastor Luther Mancao. Kinailangang magpa-covert muna si Eric sa pagiging Christian bago nito mapakasalan si Melissa.

Sumumpa si Melissa: "I vow to be the wife that God wants me to be for you—faithful, inspiring, loving, giving, and understanding. I promise to love you eternally. I will stand by your side in times of uncertainty and restiveness."

Ipinapakita sa litrato ang unang halik ni Melissa at Eric bilang mag-asawa.

Ikinagalak ng mga kaibigan ni Melissa na nahanap na ng aktres ang lalaking aalagaan at pasasayahin siya. Wika ng aktres na si Isabel Rivas, na pinsan din ni Melissa: "Madami siyang pinagdaanan. Kumbaga, she really tried her best to be a good partner in the relationships na dumaan sa kanya and yet it failed. And now... in her matured years, she found real love! How beautiful!"

May tatlong anak si Melissa: sina Denise, 23, Cassie, 20, at Alex, 13. Hindi ikinasal ang aktres sa mga nakalipas na nakarelasyon nito. Gayundin si Eric, na may 19-year-old na anak na lalaki.

Dagdag ni Isabel, "You can just see na hindi sila, ‘O, sige, pakasal uli!' Hindi, e. Ngayon lang silang parehong 'kinasal. May impact yun, may meaning yun."

Ipinapakita sa litrato ang ilan sa mahahalagang taong malapit kay Melissa: (L-R, top) Maria Isabel Lopez, Glenda Garcia, Annabelle (Glenda and Melissa's sister); (L-R, bottom) Isabel Rivas, Isabel's brother Dennis Roldan, Jestoni Alarcon, and Jestoni's wife Lizette.

Para sa actress/beauty queen/painter na si Maria Isabel Lopez, isang malapit na kaibigan ni Melissa, isang "victory!" ang kaganapang ito sa buhay ng kanyang kaibigan. Dagdag nito, "Gabaldeng luha na ang iniyak niya (Melissa)" bago pa man mahanap ng kaibigan ang katuwang nito sa buhay. 30 years nang magkaibigan ang dalawang artista.

Ang wish ni Isabel Rivas sa bagong kasal ay isang "blissful relationship—peaceful, blessed talaga by God." Banggit pa ng aktres, inaasam niyang: "In love sila sa isa't isa hanggang sa tumanda sila, and success. Hindi lang success, all aspect ang wish ko sa kanila."

Naging supportive si Isabel sa love story ng dalawa, kahit na 11 months lang nag-date sina Melissa at Eric. "Alam mo, it doesn't matter, e. Ang importante is when you find it and when you know it, you'll go for it. And talagang iwu-work out mo na lang, e!"

Isa si Annabelle Rama sa mga ninang sa kasal nina Melissa at Eric. Bagamat maagang nagpaalam ang kontrobersyal na talent manager, isang marriage advice ang iniwan nito para sa bagong kasal: "Dapat very understanding, hindi maging selosa o seloso. At importante sa lahat, busy kayong dalawang mag-asawa. Kasi pag busy kayo, hindi niyo maiisip yung pagseselos, e."

Isa sa mga talents na hinahawakan ni Annabelle ang panganay na anak ni Melissa, si Denise. Kamakailan lamang pinasok ng dalaga ang pag-aartista, ngunit kung sa genes din lang, inaasahang magiging mahusay na aktres si Denise.

Ang entertainment writer na si Aster Amoyo ay isa sa 11 pairs na bumubuo ng principal sponsors sa kasal nina Melissa at Eric. Nagpasalamat ang bride sa kanyang mga ninong at ninang sa kasal.

Ito ay sina: Senator Tito Sotto, Representive Bingbong Crisologo, Representative Winnie Castelo, Vic del Rosario, Jr., Annabelle Rama, Redgie Acuña-Magno, Crispina Belen, Veronica Asistio, Carol Santos, Joy Muleta, Hazel Maddocks, Vicky Aldana, Peregrina Reyes, Dr. Alice Lim, Chito Valmocina, Maryo J. de los Reyes, Roneo Estrella, Antonio Gobencion, Leo San Miguel, at Antonio Francisco.

Umabot sa okasyon ang aktor na si Yul Servo. Nagkatrabaho sila Melissa at Yul sa ABS-CBN teleserye na Sa Puso Ko Iingatan Ka. Parehong gumagawa ng mga soap ngayon sina Melissa at Yul sa GMA-7.