Nagsimula ang Star Magic Games noong 2010, at pangatlong taon na ring si Gerald Anderson ang nananalong basketball MVP o Most Valuable Player.

Hawak ng aktor ang trophy nila bilang basketball champion. Tinalo ng Yellow Team nina Gerald ang Blue Team, sa score na 80-70.

Matapos ang opening ceremonies ay unang sumabak ang mga child stars sa kiddie relay race. Ipinagpasiyang sa loob na ng gymnasium gawin ang laro dahil sa manakanakang pag-ulan.

Taun-taon ay sa larong badminton sumasali si Piolo Pascual. Marahil ay nakatulong ang panonood ng kanyang anak na si Iñigo para mag-champion ang ama, kasama ang ka-team niyang si AJ Dee.

Makikita ang intensity ng Green Team player na si Angelica Panganiban. Pulang-pula na ang mukha nito. Nang matapos ang badminton game ay napansin ng PEP.ph na nag-ayos na ng mga gamit si Angelica at umalis. Nang may nagtanong sa kanya kung nanalo siya, iling ang naging kasagutan ng aktres.

Ang team captain ng Green Team ay si Zanjoe Marudo (5th from right). Ka-team din nila ang actor na si Diether Ocampo (sa likod, natatakpan).

Si Ryan Bang (far left) ang inatasang mag-guard kay Gerald Anderson nang makalaban nila ang Yellow Team. Todo-guwardiya si Ryan kay Gerald, pero sumasablay ang Koreano kapag pinasahan na ito ng bola.

Si Xian Lim (first from left) ang team captain ng Blue Team, pero si Young JV (second from left) ang pambato ng kanilang koponan.

Pinangunahan ni Gerald Anderson ang Yellow Team bilang team captain.

Hindi man naging kasingganda ang laro ni Gerald nitong taon kumpara last year, wala namang dudang siya pa rin ang hari sa hardcourt among his Star Magic peers.

Nakuha nga nito ang MVP award at 3 Point King title.

Ngunit sa mga pagkakataong sumasablay ang kanyang mga tira sa basket, naiisip ng mga reporters na malamang ay apektado siya sa "intriga sa pagitan nila ni Sarah Geronimo."

Magkakampi sa mixed badminton sina Tin Patrimonio at Matteo Guidicelli. Mukhang fit na fit si Tin, bukod pa sa may athlete's genes siya galing sa basketbolistang si Alvin Patrimonio. At si Matteo ay talaga namang nagti-training para sa Ironman race nitong Agosto.

"We're friends," ang naging sagot ni Matteo nang tanungin siya tungkol sa girlfriend na si Maja Salvador. Mainit kasi ang balita ngayon na wala na sila ni Maja.

Hindi rin namin nagawang tanungin si Maja tungkol sa pagkaka-link niya kay Sam Milby ngayon, dahil hindi nag-participate sa Star Magic Games si Maja this year.

Sa gitna ng championship game ng Yellow at Blue Teams ay pinulikat si Gerald Anderson, na halos sa harap mismo ng nanonood na si Kim Chiu bumagsak. Noon ay nagtsi-cheer si Kim para kay Xian Lim ng Blue Team.

Nang mahawi ang mga taong dumamay sa pinulikat na aktor ay nawala na si Kim sa kanyang kinauupuan.

Si Khalil Ramos (light yellow shirt) ang naatasang mag-abot ng tropeyo, kasama ang host ng awarding na si Sam Concepcion, sa Green Team kids. Ito ang mga nanalo sa kiddie relay race.

Naging tampulan man ng mga biro nina Zanjo Marudo at Jason Abalos si Gerard Acao (right), habang ongoing ang basketball championship, sa huli ay si Gerard naman ang ginawaran ng medalya bilang Best Defensive Player.

Hindi man nagwagi sa basketball ang Red Team, sila naman ang nanalo bilang Overall Champion. Kung susumahin kasi ang kanilang puntos sa bawat laro, sa kanila ang highest accumulated points.

Tinanggap ang tropeo nina (L-R) Amy Nobleza, Janine Berdin, DM Sevilla, at mga kasapi rin sa Red Team na sina talent handler Kate Dolino-Pepito at road manager Jerry Telan.

Nasa larawan ang talaan ng standing ng bawat team for every competition. Sa bawat panalo ay may kaukulang puntos, na sa huli ay pinagsama-sama para malaman kung aling team ang mag-uuwi ng kampeonato. Dito ay nanalo nga ang Red Team!