Ang mga pangunahing tauhan sa pelikula ay sina (L-R) Kean Cipriano, Enrique Gil, Enchong Dee, at Xian Lim.

Hindi mapigilan ng cast na magkulitan kahit pa nasa kalagitnaan sila ng presscon. Paliwanag ni Kean, "Kasi po, kung ano po ‘yong nakikita ninyo dito sa stage ngayon, ganito kami sa pelikula at ganito rin kami sa set—makulit. Ibig lang po sabihin, ganito kasaya ‘yong pelikula namin."

Ang karakter na ginagampanan ni Xian Lim sa pelikulang ito ay si Joax. Nagtatrabaho siya bilang valet driver sa isang five-star hotel.

Ang makakapareha niya'y ang karakter ni Megan Young na si Toyang. Isa raw sa mga eksena nila na hindi malilimutan ng aktor ay nang "saktan" siya ni Toyang.

Kuwento ni Xian, "Kasi mayroon kaming eksena, sasampalin niya si Joax. E, bilang napakagaling na direktor talaga ni Direk Frasco, maraming atake ang gusto niya, ang dami ko talagang tama na halos kalahati ng mukha ko namumula."

Ang karakter ni Enchong Dee na si Lloyd ang "taga-balanse" sa kanilang barkada.

Nadamay siya sa kalokohan na ginawa ng kanyang mga kabarkada, kaya naman hiniwalayan siya ng kanyang kasintahan noong high school na si Ara (Cristine Reyes).

Ang paghihiwalay nila ang hinihinala ng kanilang barkada na dahilan kung bakit sila minamalas sa buhay. Kaya naman gagawa sila ng paraan upang mahanap si Ara, nang magkabalikan na sila ni Lloyd.

Pagbabahagi ni Enchong, ang pinaka-challenging daw sa kanya sa paggawa nitong pelikula ay ang panghuling eksena nila ni Jessy Mendiola. Aniya, "Kasi hindi ka makakagalaw sa eksena na ‘yon nang maayos, ang hirap umarte nang maayos."

Maaga namang umalis si Enrique Gil sa presscon dahil mayroon pa daw itong taping para sa kanyang primetime teleserye na Princess and I. Kasama niya sa naturang programa sina Kathryn Bernardo, Daniel Padilla, at Khalil Ramos.

Hindi nailarawan ni Enrique ang kanyang karakter, pero gaganap siya bilang si Bogs, na isang real estate agent. Makakapareha niya si Julia Montes, na gaganap bilang Ligaya.

Isang "frustrated artist" naman ang karakter ni Kean Cipriano na si Pat.

Paglalarawan ni Kean sa kanyang gagampanang role: "Alam ng buong barkada na mayroon akong talent, pero wala akong training. Kaya sumasali ako sa mga talent search para makakuha ako ng easy money. Kasi gusto ko para sa pamilya ko... dahil average lang ang family ko."

Inilarawan ng direktor ng pelikula na si Frasco Mortiz si Kean bilang isang "raw talent." Kumpara raw kasi sa kanyang mga kasama sa pelikula, wala pa gaanong karanasan sa pag-arte si Kean. Ang talaga namang vocation ni Kean ay bilang bokalista ng OPM band na Callalily.

Hindi raw naging madali para kay Jessy Mendiola ang papel na Ali, ang "best friend na matagal nang nagmamahal pero hindi naman nagre-reciprocate ‘yong nararamdaman niya." Siya kasi ang matalik na kaibigan ni Lloyd (Enchong Dee), na kahit sa paglipas ng panahon ay umiibig pa rin kay Ara (Cristine Reyes).

Hindi raw nailang si Megan Young, na gaganap bilang Ligaya, sa kanyang kissing scene sa kaparehang si Xian Lim, na gaganap bilang Joax.

Mayroon kasing eksena sa trailer kung saan sinabi ni Joax na kapag inalis pa ni Ligaya ang kanyang mga posters ay hahalikan niya ito. Pagkalingon naman ni Ligaya, saktong malapit sa kanya si Joax kaya nagkahalikan sila.

Ang karakter naman na Shirley ang gagampanan ni Bangs Garcia.

Paglalarawan niya sa kanyang karakter: "Ako po, ala Betty La Fea noong high school na parang conservative at sobrang mahiyain. So, may pagka-A Walk to Remember ‘yong story namin. Then siyempre, magkakaroon ng transformation pagka-graduate, magugulat ang lahat sa pagbabago ko."

Marami naman ang nakapuna sa pagiging malapit ni Bangs sa leading man niyang si Kean Cipriano. Gayunman, nilinaw ni Bangs na "mapagbiro" lamang daw sila pareho kaya naiisip ng ilan na may namumuong pagtitinginan sa pagitan nila.

Inamin naman ni Matt Evans na nahirapan siyang gampanan ang karakter ni Jay, na isang bading. Kinailangan raw niyang pag-aralan maigi ang script upang maging kapanipaniwala ang kanyang pagganap.

Ang karakter niya ang magiging tagapakinig sa karakter ni Jessy Mendiola, na si Ali.

Ito ang unang full-length film ni Direk Frasco Santos Mortiz sa ilalim ng Star Cinema. Siya ang direktor ng Sunday comedy show na Going Bulilit.

Ang nais daw ni Direk Frasco ay maka-relate ang mga manonood sa istorya at mga karakter ng kanyang pelikula.