Si Elmo Magalona ay gaganap bilang Daniel "Nyel" Cuaresma Jr, na galing sa isang mayamang pamilya at nangangarap maging isang duktor.

Sa kwento ay mas malapit si Nyel (Elmo) sa kaniyang mommy na si Irene Lune-Cuaresma (Alice Dixson), dahil galit ito sa kaniyang amang si Daniel Cuaresma (Joel Torre). Iniwan kasi silang mag-ina ng kanyang ama. 

Nang inihahanda na ni Nyel ang mga requirements sa pagka-college nito sa ibang bansa, kinailangan niya ng parental consent ng ama. Ngunit dahil may alitan ang dalawa, hindi naging madali ito para kay Nyel. 

Masama ang loob ni Nyel (Elmo Magalona) sa pagkakaiwan sa kanila ng ama (Joel Torre). Sa k'wento ay mas pinili kasi ng ama na manirahan sa probinsiya at pangalagaan ang kanilang farm.

Dito sa farm kinailangang puntahan ni Nyel ang ama para magpapirma ng consent form. Naging kondisyon kasi ng ama na pipirma lang ito kung magbabakasyon si Nyel doon, kahit sa huling summer nito bago umalis papuntang ibang bansa.

Si Julie Ann San Jose (kanan) ay gaganap bilang Beto, isang batang babaeng nagsusumikap matustusan ang kaniyang pag-aaral sa kolehiyo. Makikita siya rito kasama ang kanyang ama (Buboy Garovillo). 

Si Julie Ann, kasama sina Buboy Garovillo (kaliwa) bilang Berting, ang ama ng dalaga, at Gloria Romero (kanan) bilang Meding, ang lola.

Sa kwento ay magkakaroon ng problema si Beto (Julie Ann) sa pag-amin sa ama na hindi niya nakuha ang inaasahang scholarship. Para matustusan ang tuition ay maghahanap ng trabaho si Beto.

Makakahanap si Beto ng trabaho sa kalapit na bukid, na pagmamayari ni Dan (Joel Torre). Laking gulat niya nang sabihan siya na ang trabaho niya ay asikasuhin ang anak ni Dan, si Nyel, na matagal na palang crush ni Beto.