Sa kalagitnaan ng pagkanta ni Julie Anne ng "Bakit Ba Ganyan" ay lumabas si Elmo mula sa backstage na may dalang bulaklak at naki-duet na sa dalaga. Incidentally, mapapanood sina Julie Anne at Elmo sa kanilang first big screen teamup ngayong August 15 sa pelikulang Just One Summer.

Todo-hiyawan ang kanilang fans nang makita ang teen heartthrob na may dala-dala pang flowers para sa katambal. Sina Julie Anne at Elmo rin ang guests sa pangalawang episode ng PEP Talk na inyo nang mapapanood, first part muna, simula ngayon, August 10.

Nabigyan din ng chance ang fans ni Julie Anne na magtanong sa kanya sa Q & A portion ng programa. Isa sa mga naging tanong sa kanya ay kung totoo bang nakita sila ni Elmo sa isang coffee shop na magkasama. Ngumiti muna ang singer-actress bago ito sumagot ng, "Oo."

Nagkaroon din ng games sa nasabing Grand Fans Day. Isa sa naging laro ay ang isulat ang pangalang Julie Anne San Jose gamit ang "puwet" habang nakatalikod sa audience. Sa huli, lahat ng sumali ay nagkaroon ng prize.

Maging si Julie Anne ay nakasali, patunay ng kanyang pagiging game. Bilang pasasalamat din ay nagkaroon ng raffle para sa mga dumalo.

Kung pagbabasehan ang attendance at reaksiyon ng mga fans kay Julie Anne, masasabing isa nga siya sa pinakamainit na teen star ng Kapuso network sa kasalukuyan.