Sumakay sa isang coaster sina Angel Locsin (kaliwa), Kris Aquino (kanan) at Iza Calzado (likod ni Kris) para magbigay ng relief goods sa mga nabiktima ng baha sa Valenzuela.

Sinalubong ang grupo ni Kris ni Valenzuela Mayor Win Win Gatchalian (nakapula).

Sinalubong din ni Councilor Soledad Shalani-Romulo sina Kris, Iza at Angel. Masayang nagbeso at nag-usap sina Councilor Shalani  at Kris. Matatandaang naging girlfriend ng nakatatandang kapatid ni Kris na si PNoy si Councilor Shalani.

Tinanong ni Mayor Win (kaliwa) si Kris (kanan) kung may dala silang mga tsinelas at handa ba raw silang lumusong sa baha. Ang pupuntahan kasi nilang lugar ay lubog pa rin sa baha. Isa ang sinagot ni Kris kay Mayor: “Go!”

Eto ang bahang  dinaanan ng trak na sinakyan nina Kris, Iza at Angel patungo sa Evacuatiion area sa Malanday, Valenzuela.

Walang pakundangang lumusong sa baha si Angel para pumasok sa loob ng eskwelahan kung saan naka-evacuate ang ilang pamilyang nabiktima ng baha.

Si Kris Aquino ang nag-organize ng Relief Operation na ito. Nagdala siya ng 500 pirasong binalot, ready-to-eat meals, para sa mga biktima ng baha.

Nabanggit naman nina Angel at Iza na sila ay personally invited ni Kris para sumama sa Relief Operation na ito.

Sa kabila ng baha ay tuwang-tuwa  ang mga taga Malanday, Valenzuela, na makita ang mga artistang nakiramay sa kanila sa panahon ng kalamidad at hirap.  

Tinawagan din ni Kris ang halos lahat ng kanyang ini-endorsong produkto para mag-donate sa mga nabiktima ng baha.

Matatandaang naging magkaibigan sila Angel Locsin at Iza Calzado noong nasa Kapuso Network pa sila. Sa flood relief operations, nagkasama muli sila.

Matapos mamigay ng mga goods at bago tuluyang umalis ay nagpaalam sina Kris, Angel at Iza sa mga nabiktima ng baha.

Mahigit isang oras din ang inilagi nina Kris, Iza at Angel sa pamimigay ng relief sa mga biktima.

Magkakatabi sa upuan ng trak sina Gretchen Fullido, Angel Locsin, Iza Calzado at Kris Aquino.