Hindi man sila ang magkapareha sa pelikula, sabay na lumabas ng cinema sina Julia Montes at Enchong Dee pagkatapos ng premiere.

Nang tanungin ng press si Julia kung naging mas close sila ni Enchong dahil sa pelikula, walang-halong showbiz na sumagot ito: "Okay naman—hindi, ganun pa din."

Hindi naman daw nila mamimiss ang isa't-isa dahil magkasama uli sila sa pelikulang The Strangers, na entry sa darating na Metro Manila Film Festival sa Disyembre.

Naging mainit naman ang kissing scene nina Enchong Dee at Jessy Mendiola sa bandang dulo ng pelikula. Ibinahagi ng dalawa kung paano nabuo ang eksenang iyon.

Ayon kay Enchong, "It was already 8 a.m. in the morning, more than 24 hours na kaming nagshu-shoot. Alam mo yung, pagod na kami, hulas na kami, kailangan namin ng sobrang effort ng toothbrush, kasi alam mo yung oras na yun, na medyo hindi na kagandahan yung amoy ng hininga niyo. So buti, it turned out so well."

Ayon naman kay Jessy, nagulat siya dahil hindi niya inexpect na ganoon katindi ang halik ni Enchong. "Sobrang, ginulat niya ko dun ah. Kasi, antok na ko nun at hindi ko alam na ganun pala kagrabe at ka-torrid yung kissing scene. Nung nag-kiss kami, biglang, 'Wow, Enchong.' Uso kasi sa amin yung bubulungan, tapos gawin mo ‘to a...para magulat siya, yung reaksyon niya. Hindi namin napag-usapan ni Enchong yun, basta nagtitigan na lang kami!" 

Marami naman ang kinilig sa mga eksena nina Kean Cipriano at Bangs Garcia, na gumanap bilang Pat at Shirley.

Sunod sa storya ng kanta ng Eheads na "Magasin," si Shirley ay ang konserbatibong high school sweetheart ni Kean na kinalaunan ay naging cover girl ng isang men's magazine.

Kitang-kita ang chemistry ng dalawa sa pelikula, kaya tinanong si Kean kung maaari ba itong mauwi sa totoong buhay. Ang sagot ni Kean ay kalmadong: "If we're gonna do something again, I'll be glad."

Proud naman si Jessy na maging bahagi ng pelikula, lalo na nang mapanood ang resulta nito.

"Sobrang saya ko and very surreal lahat. As in, yung first film ko and I'm very thankful sa Star Cinema and sa management na pinagkatiwalaan nila ako ng ganitong klaseng film, kasi for the longest time wala pang lumalabas na barkada movie and this is it! So sobrang saya ko po. Hindi pa rin nagsisink-in sa ‘kin lahat, pero I'm very, very proud of the film." 

Isa sa mga sinuportahan ni Janice sa pelikula ay si Enrique Gil na nakasama niya noon sa teleseryeng Budoy. "I'm so proud of my anak, alam niya yun," wika niya.

Kasama niyang nanood ang mga anak nila ni John Estrada na sina (l-r) Inah, Moira, at Kyla. "Bring your friends and watch The Reunion. I'm sure you will remember your high school days!" wika ni Janice.