"I want to be reincarnated to marry you again," masayang pahayag ni Mother Lily (center) sa asawang si Father Remy (in light jacket, beside her), matapos siyang kantahan ng "Happy Birthday Song" ng mga bisita, sa pangunguna ng kanyang pamilya (kasama sa litrato).

Kilala si Mother Lily na isang aktibo at masipag na prodyuser, hotel owner, investor, franchise holder, resort developer at kung anu-ano pang trabahong mabibigat.

Sa edad na 73, mas mabilis pa itong maglakad kaysa sa marami sa mga katrabaho. Nabubuhay din siya sa power naps, kayat kayang-kaya niyang makipagsabayan sa puyat ng Wednesday Club, ang grupo ng reporters na hino-host niya sa poolside ng kanyang Imperial Suites kada linggo.

"When I was younger, I took Chinese cooking classes so I can make home-cooked meals for my family. I even put up the restaurant Mother China on Pasay Road in Makati," pag-alala ni Mother Lily. "Now I want to expand my knowledge in cooking," sabi ng 73-year-old producer, real estate investor, at entrepreneur.

Ang Mother China restaurant ni Mother ay kilalang-kilala noon sa showbiz gatherings and events na ginangap dito.

Si Senator Lito Lapid (kanan) ay nagpahayag kamakailan ng kagustuhang muling gumawa ng pelikula sa produksyon ni Mother Lily. Sakali raw, ang gusto ng senador ay action film, pero maiintindihan daw niya kapag hindi ito agad mapagbigyan ni Mother Lily dahil mahal gumawa ng action film sa kasalukuyan.

Ayon naman kay Mother Lily, puwede naman nila itong mapag-usapan.

Si Senator Bong Revilla naman, itinuturing na pangalawang ina si Mother Lily, na isa sa principal sponsors nang siya at ang misis na si Congresswoman Lani Mercado ay nag-renewal ng vows noong 2011, matapos ng 25 years of marriage.

Naging kakampi ni Baron Geisler si Mother Lily nang magkaroon ng isyu ang aktor tungkol sa panghihipo nito sa aktres na si Cherry Pie Picache. (Nang lumaon, humingi ng paumanhin si Baron, ngunit maiintindihan naman kung bakit may mga manager na hanggang ngayon ay ayaw ibigay ang talents nila kapag si Baron ang kasama sa project.) 

Naawa raw si Mother Lily kay Baron dahil biktima lang daw ang aktor ng kanyang malungkot na nakaraan, kung kayat nasasangkot ito sa iba't ibang controversies. Nakapag-rehab na raw si Baron, at ngayon ay balik-pelikula na naman, sa management ni Arnold Vegafria.

Mas payat si Baron ngayon at mas malinis tingnan, nang nakita itong umiikot sa mga mesa para bumati sa press na guests ni Mother.

Bumati si Carla Abellana kay Mother Lily. Malaki ang utang na loob ni Carla kay Mother dahil ang unang pelikula ng aktres ay ang Mamarazzi ng Regal Films. Nagkaroon lang ng intriga noong nakaraang taon sa pagitan nila ni Mother, dahil umano sa pagtutol ng Regal matriarch na gawin ni Carla ang Manila Kingpin ni ER Ejercito. Contract star kasi si Carla ng Regal. Ngunit, all is well that ends well, ika nga.

"It's fine with me. It's no big deal," pahayag ni Lovi Poe sa tanong kung bakit hindi siya kasama sa Malacañang nang gawaran ang yumaong ama na si Fernando Poe Jr. ng National Artist Award award kamakailan.

Ang asawa ni FPJ na si Susan Roces at ang adopted na anak na si Mary Grace Poe-Llamanzares ang tumanggap ng parangal mula kay President Noynoy Aquino.

"I know where I stand naman, and they've been very nice to me pag nagkikita kami," pahayag niya sa kanyang Tita Susan Roces.

Ikinuwento ng movie scribe at Gutierrez ally na si Jun Lalin (kaliwa) na si Mother Lily (kanan) ang nagpabalik kay Eddie Gutierrez (gitna) mula sa America para gumawa ulit ng pelikula.

Noong mga panahong iyon, namumuhay nang pribado at nagtitinda ng high-end pots and pans sa Amerika sina Eddie Gutierrez at misis niyang si Annabelle Rama, nang himukin ni Mother Lily ang actor na magbalik-pelikula.

Ang hininging pambayad ni Eddie kay Mother Lily para sa mga pelikulang ginawa nito sa Regal ay ang kasalukuyang house-and-lot ng mga Gutierrez sa White Plains. Di na nga lang nakatayo ang original structure dahil pinagiba ito ni Annabelle sa isang "total renovation" noon lang nakaraang taon.

Ngunit nasa lugar na iyon pa rin ang mga Gutierrez, kasama na si Richard, dahil masuwerte raw ang bahay na ito sa kanila. Na-feature ang tinatawag na "lucky house" ng mga Gutierrez sa YES! Magazine June 2012 issue.

Ang lalong gumandang si Snooky Serna (gitna) ay nakatakda raw gumawa ulit ng pelikula para sa Regal. Si Snooky ay isa sa original Regal Babies—ang tawag sa mga artistang pinasikat ng Regal, nang ito ang pinakamalaking film production outfit sa bansa. Kasama sa Regal Babies sina Gabby Concepcion, Maricel Soriano, Richard Gomez, Dina Bonnevie at iba pang malalaking artista.

Ngayon ay nasa talent management group na ni Leo Dominguez si Snooky. Si Leo rin ang talent manager nina Ogie Alcasid, Lovi Poe, Solenn Heusaff, Paulo Avelino at iba.

Sa larawan na kuha pa rin sa 73rd birthday celebration ni Mother Lily, napapagitnaan si Snooky nina Jake Vargas (kaliwa) at ng "tatay-tatayan" ng young actor na si Kuya German "Germs" Moreno.

Ginawa ng actor-politician na si Alex Castro ang kanyang unang pelikula, ang Desperadas 2, noong 2008 sa Regal Films. Kasalukuyan siyang napapanood sa Kahit Puso'y Masugatan sa ABS-CBN.

Unang lumabas sa pelikulang Boystown ng Regal Films ang ngayo'y congresswoman ng second district ng Cavite na si Lani Mercado (left), na kasama rin dumalo ang asawang si Bong Revilla. Samantala, ang pelikula ni Ogie Alcasid (kanan) na Boy Pick-up: The Movie, na ipinalabas kamakailan, ay prinodyus din ng kompanya ni Mother Lily at ng GMA Films.

Kasama ni Mother Lily (mula kaliwa) sina Alfie Lorenzo, talent manager ni Judy Ann Santos; Lito Lapid, senador at balik-pelikulang action star; Bong Revilla, senador, prodyuser, aktor at TV host; Elwood Perez, direktor at matagal nang kaibigan ni Mother Lily; Pong Mercado, Taal vice mayor; Joan Bañaga, veteran line producer; Joey Romero, direktor; at Consoliza Laguardia, ang chair ng Movie Television Review and Classification Board bago ito napalitan ni Grace Poe-Llamanzares.

Si Mother Lily kasama sina (mula kaliwa) Niña Jose, manager/director Manny Valera, at direktor Joel Lamangan.

Maraming taon ding nagtrabaho para sa mga Monteverde si Manny, ngunit ngayon ay nagko-concentrate ito sa pagma-manage ng talents. Kasama rito sina Jean Garcia, Glaiza de Castro, at Jennica Garcia.

Nagpakuha rin ng picture si Mother sa mga bisitang press at matagal nang mga kaibigang sina (standing L-R): Joe Barrameda, Abante Tonite columnist at talent manager; Gorgy Rula, veteran TV reporter, on-cam talent, at PEP.ph contributor; Mario Bautista, freelance reviewer at columnist; Ian Fariñas, entertainment editor ng People's Tonight; Jun Nardo, kolumnista ng Abante; TAPE Inc. Senior Vice President and COO Malou Choa-Fagar; Anna Pingol, managing editor ng YES! Magazine; at Monching Jaramillo, senior editor ng PEP.ph. Sa harap naman ay sina Salve Asis, entertainment editor ng PM; at Allan Diones, kolumnista ng Abante Tonite.