Dagdag pa niya, “We hope that thousands more like him will rise and use their talents to lift up the lives of their fellow Filipinos.

"Whoever in the coming generations will ask who is FPJ, we will answer them with one voice: He’s the king of Philippine cinema, a national artist who will continue to be part of the lights, camera, action in the life of the whole country.’’  

Buong pusong tinanggap ng mag-ina ni FPJ ang National Artist Award. Sa isang TV interview, winika ni Susan, "Salamat kay PNoy sa pagkumpirma kay FPJ. It's worth waiting for to receive this award mula sa isang tunay na halal na pangulo."

Matatandaan na taong 2006 nang unang ideklara, sa pamamagitan ng Proclamation No. 1069, si FPJ bilang National Artist. Hindi tinanggap ni Susan ang parangal na isinulong ni dating Pangulo Gloria Macapagal-Arroyo (not in photo).

Si Gloria ang nakalaban ni FPJ sa 2004 presidential elections, at naniniwala ang kampo ng action superstar na may nangyaring malaking pandaraya sa bilangang ng eleksyon. Hanggang sa ngayon, hindi pa rin natutuldukan ang sinasabing election fraud.

Ang pahayag naman ng anak ni FPJ na si Mary Grace Poe-Llamanzares (kanan): "Kasi noon, hindi namin tinanggap kasi naniniwala kami na ang isang karangalan ay dapat ibinibigay ng isang taong marangal."

Ang Order of National Artists o Orden ng Gawad Pambansang Alagad ng Sining ang pinakamataas na recognition na ibinibigay sa mga taong may malaking naiambag sa larangan ng sining at literatura. 

Upang matawag na National Artist, kailangan ng rekomendasyon mula sa National Commission for Culture and the Arts (NCCA) and the Cultural Center of the Philippines (CCP).

T