Kuha ito ilang minuto bago ng actual take. Nagpapaliwanag si Direk Brillante (pangalawa mula kaliwa) ng kukunang eksena kina Maricel Soriano (pangalawa mula kanan) at ang grupo ng Protégé mentor na si Ricky Davao (wala sa litrato):Shelley Hipolito (naka-orange), Reese Tayag (natatakpan), at Japs de Luna (bahagyang natatakpan). Pinamagatang Maria Dolorosa ang unang short film. 

Hindi muna nagpaunlak ng interbyu si Maricel Soriano dahil daw gusto niyang may maikukuwento na siya tungkol sa experience ng pakikitrabaho sa Protegés bago humarap sa press. Gusto rin daw niya siyempre na nakaayos siya at naka-makeup pag nagpa-interbyu na.

Nakatakdang humarap sa press ang Diamond Star ngayong araw, August 24.

Nagbatuhan muna ng linya ang tatlong Protégé  na makakaeksena ni Maricel para malaman ng guest star kung saan siya papasok sa eksena. Masusing pinag-aralan naman nina Shelley Hipolito, (gitna) at Reese Tayag (kanan) ang kanilang mga linya bago ng rehearsal kasama ang Diamond Star.

Nagbigay ng suhestiyon si Maricel kay Direk Brillante bago kinunan ang eksena. Gusto ni Maricel ma-establish ang kanyang papel bilang ina na bagong laya mula sa bilangguan at ma-establish din kung bakit tila iniiwasan ng kanyang mga anak na pag-usapan ang nakaraan. Wala namang problema kay Direk Brillante, na nagsabing nakatrabaho na niya si Maricel Soriano sa ilang TV commercials dati kaya medyo gamay na niya ang actress.

Bago dumating ang special celebrity guest and celebrity director nila, puspusang nag-practice muna ang mga Protegé aspirants ng kani-kanilang mga linya.

Pero nang magbigay si Direk Brillante ng pointers sa kanila, binigyang-diin nito na hindi siya partikular sa husay ng pagkaka-memorize nila ng script. Mas gusto raw niyang pag-aralan nilang mabuti ang kani-kanilang roles.

Sabi ni Direk Dante, makakatulong nang husto sa characterization nila ang ganito: "Kung kapatid ka, dapat alam mo kung pang-ilan ka sa pamilya. Kung estudyante ka, dapat isipin mo... sa public school ka ba nag-aaral, o sa private."   

Naikuwento sa PEP.ph (Philippine Entertainment Portal) ni Mikoy Morales (naka-blue shirt) na pangarap daw niyang maging performer dahil naging member siya ng Kundirana, ang glee club ng La Salle, Greenhills, kung saan nanggaling sina Gary Valenciano, Ogie Alcasid, Dingdong Avanzado at iba pang singers.

"Crying is not acting," pagbabahagi ni Direk Brillante sa mga Protegé aspirants. Mas importante raw na maramdaman ng isang artista ang kanyang papel na ginagampanan, ayon pa rin sa direktor na kinikilala bilang unang Pilipinong nanalo ng prestihiyosong Best Director Award sa 2009 Cannes Film Festival para sa pelikulang Kinatay.

Mga teenager na tumigil mag-aral at nagpaplanong pumunta ng Japan ang papel nina Shelley Hipolito (in orange top) at Reese Tayag (in green top). Kapatid naman nila si Japs de Luna (in grey pants) at ina nila si Maricel (not in the picture). Mula sa unang rehearsal ay binago ni Direk Brillante (in grey printed shirt) ang blocking ng mga aspirants dahil napansin niyang nakaupo lamang ang mga ito sa eksena.

Photo op muna kasama ni Direk Billante (second from right) ang Protégés na sina: (L-R) Apple Vega, Jeric Gonzales, Arny Ross, Vien Alen King, Thea Tolentino, at Andres Vasquez.

Matapos ang unang short film, kinunan din ang Nang Managinip si Stellamaris, Si Mommy... Si Maryan, at si Marjo, Aba Ginoong Maria at Ms. Sta Maria. Lahat ng short films ay mula sa panulat ng Palanca awardee na si Floy Quintos.