Ang mga anak ni Reyna Jasmina ng mga Diwanis: (left to right) Diwani Quassia (Ruffa Mae Quinto), Diwani Valerianna (Ruffa Gutierrez), Diwani Alvera (Alice Dixson); at ang punong tagapagsalita ng Eden na si Borago (Jim Pebangco).

Si Alice Dixson ang gumaganap sa papel ni Diwani Alvera, ang susunod na tagapagmana ng trono bilang reyna ng Eden at hinirang bilang tagapangalaga ng liwanag ng kaharian.

Siya ang tanging iniibig ng mandirigmang si Menandro (Zoren Legaspi), at magbubunga ang lihim na pag-iibigan nila ng isang sanggol, na pilit na itatakas mula sa Eden dahil sa isang malaking kaguluhan.

Si Rufa Mae Quinto ay si Diwani Quassia, ang tagapangalaga ng lupa sa kaharian ng Eden. Naparusahan siya ng konseho dahil sa lihim na pakikipagsabwatan kay Diwani Alvera na maitakas ang sanggol nito. Tinanggalan siya ng kapangyarihan at hinatulang maging kuneho ng kapatid niyang si Valerianna.

Ipinapakita sa larawan si Menandro (Zoren Legaspi), ang makisig at matapat na punong kawal ng kahariang Eden. Siya ang lalaking nagmamahal nang lubos kay Diwani Alvera. Nagkataon namang siya rin ang pinakamimithing lalaki ni Diwani Valerianna.

Makikitang tutok ang direktor na si Joel Lamangan sa bawat eksenang kinukunan sa set ng kauna-unahang eco-fantasya ng Kapatid channel.

Si Borago (Jim Pebangco, ibaba kaliwa) ang punong tagapagsalita ng Eden. Kasama niya si Saulo (Tony Mabesa, taas kanan), ang punong konseho naman na siyang nakakaalam ng kasaysayan ng Eden.

Ang eksenang kinukunan ang magkapatid na  Diwani Quassia (Rufa Mae Quinto) at Diwani Alvera (Alice Dixson) sa hardin ng Eden.

Dahil wala ang dalawa niyang kapatid na Diwani sa Eden, si Valerianna ang itinanghal na bagong reyna ng kaharian. Ngunit mabubulag ito ng impluwensiya ng punong Helfora at ng itim na kapangyarihan nito.

Hangad ni Reyna Valerianna (Ruffa Gutierrez) na matagpuan ang anak nina Menandro at Alvera sa mundo ng mga tao. Ang bata ang susi sa paglaya ni Menandro mula sa kulungan.

Si Jim Pebangco ay si Borago, ang tumukso at nagsulsol kay Diwani Valerianna para mapasailalim sa itim na kapangyarihan ng isinumpang puno ng Helfora.

Si Molave (Edgar Allan Guzman) ay isang matapang at matipunong kawal ng Eden, na isusugo ni Diwani Valerianna sa mundo ng tao upang hanapin at ibalik sa kaharian ng Eden ang anak nina Alvera at Menandro.

Isa sa mga tagapagsilbi sa palasyo si Amapola (Jazz Ocampo) at si Alipa (Lian Paz), na siyang naging tagapagtago ng anak nina Diwani Alvera at Menandro.