Ang stage actress na si Tippy Dos Santos (kaliwa) ay gumanap bilang mayamang si Tracy Fuentebella, na nabuntis ni Rock Polotan, na ginampanan naman ni Sam Concepcion (kanan).

Nagkatambal na rin sina Tippy at Sam sa stage play na Peter Pan. Si Sam ang title roler at si Tippy naman ang love interest ni Peter Pan na si Wendy.

Dapat abangan ang love scene nina Eugene "Uge" Domingo bilang si Nanay Rosie at Ogie Alcasid bilang si Tatay Pol Polotan. Sa sinehan, umani ng pinakamasigabong palakpakan at sigawan ang eksena nina Uge at Ogie na naglalambingan matapos manumbalik ang kanilang pagmamahal sa isa't isa.

Sabi ni Gary, na gumaganap bilang si Daddy Nick: “Actually, yung eksena namin ni Tippy was not a reminder of me and Paolo but a reminder of me...Because, at 19 years old, I was going to get married, and Angeli was pregnant. So, very much my story.”

Malapit na rin kasing ikasal ang panganay niyang anak na si Paulo sa long-time girlfriend nitong si Samantha Godinez. Ang talent manager na si Angeli Pangilinan ang misis ng tinaguriang Mr. Pure Energy.

Maigsi pero markado ang papel na ginagampanan ni John "Sweet" Lapus (kaliwa) bilang isang aging videoke master. Nuong premiere night, si Sweet ang isa sa dalawang escorts ni Eugene Domingo (sentro) paglakad sa red carpet. Ang isa pa si Chris Martinez (kanan), na nagdirek at nagsulat ng pelikula. Ang tatlo ay magkaibigang matalik sa tunay na buhay mula pa ng UP theater days nila.

Ang napaka-witty na dialogue ay agaw-pansin sa kabuuan ng pelikula. Kilala naman kasi si Chris Martinez sa kanyang angat na screenwriting work (Kimmy Dora 1 and 2s, Babae sa Septic Tank), kung saan hindi slapstick ang umiiral kundi wit. Pati sa directorial jobs nito (Temptation Island, 100, Here Comes The Bride), hindi matatawaran ang talento ni Chris.

Ang papel ni Sam (kaliwa) ay si Rock. Tapos ng kursong Nursing at galing sa "dukhang" pamilya, nabuntis ni Rock si Tracy. Si Tracy, na galing sa isang de buena familia, ay ginagampanan ni Tippy. Marami naman ang magugulat sa role ni Neil Coleta (kanan), at kaabang-abang ang "tunnel scene" nila ni Sam.

Si Frenchie Dy (kaliwa), ang second grand winner sa Star in a Million, ay gumaganap bilang Lilibeth, isa sa mga kaibigan ni Rosie (Uge). Abangan ang mga eksena ni Frenchie at ang kanyang Tupperwares.

Si Sweet Plantado, na miyembro ng sikat na singing group na The Company, ay lumalabas bilang Vicky, isa rin sa mga kaibigan ni Rosie. Abangan ang pakikipagbalitaktakan ng salawikain nina Sweet at Jaime Fabregas, na gumanap bilang General Julio, ang lolo ni Tracy (Tippy).

Gerald Pesigan plays Raprap, ang younger brother ni Rock (Sam Concepcion), at sister naman nila si Jazzy (Kiray Celis). Kung papansinin, ang kanilang mga pangalan ay hango sa tatlong music genres, dahil ang kanilang amang si Pol (Ogie Alcasid) ay isang struggling composer.

Ang mga kapatid ni Tracy (Tippy Dos Santos, not in photo) ay sina Austin (Ishmael Alsdefat) at Blake (John Mark Ibañez).

Bago nagsimula ang screening ay binasa ni Gary Valenciano ang message ni Zsa Zsa Padilla, na dinala ng kanyang anak na si Nicole Quizon (right).

Hindi nakadalo si Zsa Zsa sa premiere night dahil inoperahan siya para alisin ang isang tumor sa kidney sa Cedars-Sinai Medical Center sa Los Angeles, California.

Ang buod ng mensahe ay ang pagpapasalamat ni Zsa Zsa sa mga dumalo sa premiere night at sa mga nagdasal para sa matagumpay niyang operasyon.

Kaninang umaga, August 30 (Philippine time), sa text exchange nina Zsa Zsa at PEP editor-in- chief Jo-Ann Maglipon, sinabi ni Zsa Zsa mula sa Los Angeles: "I'm back at our hotel room. Greatest gift was my Drs telling me pathology said tumor was benign. I will be staying to recuperate another week." 

Kasamang dumating sa premiere night ni Christian Bautista ang girlfriend at dating co-star sa Kitchen Musical na si Carla Dunareanu.

Sa mga naunang panayam ng PEP kay Christian, sinabi ng binata na salitan sila ni Carla sa pagbisita sa isa't isa. Kung si Carla ay hindi masyadong busy, siya ang luluwas pa-Maynila, at si Christian naman ang pupuntang Singapore tuwing luluwag ang kanyang iskedyul.  

Ang newly-engaged couple na sina Samantha Godinez (kanan) at Paulo Valenciano (kaliwa) ay dumating din para suportahan ang ama ni Paulo na si Gary Valenciano, ang isa sa mga bida sa pelikula.

Kamakailan ay naibalita rito sa PEP na nag-propose si Paolo sa long-time girlfriend nitong si Samantha, sa mismong concert pa ni Gary V. sa Pechanga Resort sa California, USA, nitong taon.

Ang owners na sina Audie Gemora (left) at Carlo Orosa (right) ng talent management company na Stages, kung saan kabilang si Sam Concepcion. Co-managed naman ng Stages si Tippy, kasama ng Star Magic, na talent management arm ng Kapamilya network.

Si Divine Lee ang naging host ng pre-screening program sa loob ng Cinema 9, kung saan namahagi ng prizes ang producers.

Pinalakpakan ang X-Factor Philippines' finalists na sumali sa mga pakontest ng pag-awit ng APO songs. Naroon sila para naman suportahan si Gary V, isa sa mga mentors ng talent search program.

Masaya ring nakisama sa premiere night si Regine Velasquez, na kapansin-pansing malaki ang ipinayat, para panoorin ang pelikula ng asawang si Ogie.

May cameo appearance sa I Do Bidoo Bidoo ang tatlong members ng APO Hiking Society, na sina Buboy Garovillo (left), Jim Paredes (right), at Danny Javier (not in the picture). Namataan ng PEP si Danny sa bandang orchestra ng Cinema 9, habang nasa balcony sina Buboy at Jim.