Dalawa sa prime artists ng Star Magic—sina Sina Piolo Pascual (left) at John Lloyd Cruz (right)—ang nagsilbing hosts ng 20th anniversary program ng Star Magic Ball. Naka-black bow tie, white shirt, at black suit pareho ang dalawang top male stars and endorsers.

Sinamahan sila ng kapwa Star Magic talent na si John "Sweet" Lapus (middle), na naka-all black outfit din. Bagamat alaga si Sweet ng sinasabing pinakamalaking talent management group sa bansa sa kasalukuyan, siya ay pinapayagan nitong magtrabaho sa ibang TV networks at sa independent movie producers.

Nakaupo malapit sa centerstage si Coco Martin, na pormal na pormal din ang bihis. Kitang-kitang aliw na aliw ito sa mga hirit at kakulitan ng tatlong hosts. Ito ang ika-apat na beses na dumalo si Coco sa pagtitipon, mula nang mapabilang siya sa Star Magic noong 2009. Si Coco ay co-managed ni Biboy Arboleda.

Si Coco Martin ang hinirang na Standout Star noong gabing iyon. Sina Kathryn Bernardo at Matteo Guidicelli ang naatasang magbigay ng award sa kanya.

Matatandaang nag-away sina Coco at Matteo noong nakaraang Star Magic Ball dahil sa hindi pagkakaunawaan, na may kinalaman sa aktres na si Maja Salvador, ang dating girlfriend ni Matteo.

Biniro ng mga hosts sina Coco at Matteo tungkol sa insidenteng iyon, na ngayon ay parang hindi kailanman nangyari. Kaya naman nauwi sa tawanan at pagyayakapan ng dalawa ang pagtanggap ni Coco ng award.

Ilan sa mga nag-perform noong gabing iyon ang nagbabalik-Pilipinas na si Sam Milby (right) at teen singer-actor na si Kahlil Ramos (left).

Noong Enero, nagpaalam si Sam sa showbiz upang subukan ang kanyang kapalaran sa Hollywood. Nitong Mayo ay muli itong bumalik sa Pilipinas upang gawin ang isang teleserye project.

Ito ang ikalawang pagkakataong dumalo si Paulo Avelino sa Star Magic Ball matapos lumipat mula sa Kapuso network. Si Paulo ngayon ay isa sa mga hinahangaang aktor sa primetime block ng ABS-CBN, dahil sa pagganap niya bilang Nathan sa hit na teleseryeng Walang Hanggan.

Mag-isang dumating sa Star Magic Ball si Enrique Gil ngayong taon. Bagamat nanghihinayang ito na hindi nagpatuloy ang loveteam nila ni Kathryn Bernardo—nagsimula nang gawin nila ang pelikulang Way Back Home—masaya na rin si Enrique dahil mukhang successful naman ang tambalan nina Kathryn at Daniel Padilla.

Sina Enrique, Kathryn, at Daniel ay cast members ng teleseryeng Princess And I.

(L-R) Sabay-sabay na dumating sina JM De Guzman, Ketchup Eusebio, at Josef Elizalde sa Star Magic Ball. Bukod sa tatlo, kapansin-pansin na marami rin sa mga kalalakihan ng Star Magic ang dumalo sa ball ngayong taon bilang barkada o grupo.

Mag-isa ring dumalo si Robi Domingo ngayong taon. Si Robi ay isa sa mga ginu-groom ng Star Magic para maging mahusay na TV host. Matapos mag-host ng PBB Teen Edition nitong nakalipas na summer, ilan sa mga proyekto ni Robi ngayon ang online show na ASAP Chillout at ang bagong season ng reality show I Dare You, na nakatakdang ipalabas bago matapos ang taon.

Si Arron Villaflor ang nanguna sa traditional cotillion dance ngayong taon. Kasama niya ang dancer na si Lexi ng X Factor Philippines.

Mag-isa ring dumating ang model-actor na si Joseph Marco, ang dating kapareha ni Jessy Mendiola sa ABS-CBN teleseryeng Sabel.

Hindi kita sa litrato ang lean at muscled frame ni Marco, pero nang nag-cover ito sa Men's Health, July 2012 issue, kitang-kitang ang abs, muscles, at healthy skin nito. Sabi niya sa magazine, tumigil siya ng pagkain ng kanin tatlong taon na ang nakakaraan. "Sa rice talaga kasi ako nagbo-bloat." 

Sinabi rin ni Marco sa Men's Health na pumasok siya ng showbiz noong mga 20 years old siya, sa pamamagitan ng GMA-7. Pero pag-ako niya, "I was not serious at all." Tuloy, walang nangyari sa kanyang career.

Ngunit mga two years ago, bigla siyang nagseryoso, naisip daw niyang dapat may patunughan na ang buhay niya, at tuloy ay nag-sign-up sa ABS-CBN. 

Mula sa pagiging commercial at ramp model, isa na ngayon si Ron Morales sa mga piling character actors ng Star Magic. Kabilang siya sa teleseryeng Kung Ako'y Iiwan Mo, na pinagbibidahan nina Shaina Magdayao at Jake Cuenca.

Solo ring dumating si Matt Evans sa 6th Star Magic ball. Last year ay kasama niya ang dating ka-loveteam na si Melissa Ricks. Subalit ngayong taon, kasama ni Melissa ang nobyong si Paul Jake Castillo.

Minsan ay nasabi ni Johnny Manahan sa YES! Magazine, ang print affiliate ng PEP, na hinihintay nilang mag-mature pa si Matt emotionally at physically, para bumagay siya sa mas marami pang malalaking roles.

Mag-isa ring dumating si Jason Abalos sa ball. Matatandaang nitong Enero ay inamin ni Jason ang kanyang relasyon sa aktres na si Jewel Mische, subalit napabalita ring naghiwalay na sila noong Mayo. Tumanggi naman itong magsalita tungkol sa breakup nila ni Jewel nang subukang tanungin ng press.

Noong 2011, nakasama si Jason sa YES! Magazine "100 Most Beautiful Stars" list.

Si Rap Fernandez ay dumating na all-formal at all-glam din. Bukod sa pagiging ama sa anak na si Lyla Victoria, busy ngayon si Rap sa pagta-transfer into HD ng film prints ng mga pelikula ng yumaong amang si Rudy Fernandez. Ang kanyang ina ay ang aktibo pa rin sa showbiz na si Lorna Tolentino.

(CLICK HERE to read related story.)

Tila nag-mature naman ang look ng singer na si Jaco Benin ngayon. Noong nakaraang taon ay napabilang si Jaco sa 69 Hottest Bachelors list ng Cosmopolitan Philippines Magazine.

Present din sa ika-anim na taon ng ball ng Star Magic ang singer-dancer-actor na si Nel Gomez. Kamakailan ay ini-release ni Nel ang kanyang digital dance record na One Moment.