Hindi aakalaing isa nang ina si Andi Eigenmann dahil sa sexy figure nito. Suot ni Andi ang isang black dress na may cutouts sa chest at waist area, at thigh-high slit sa gitnang bahagi ng skirt. Gawa ito ng young designer na si Sassa Jimenez.

Sexy din ang suot na gown ni Erich Gonzales. Mistulang walang saplot ang aktres sa ilalim ng kanyang black beaded lace dress dahil sa skin-tone na kulay ng panloob nito. Likha ito ni Francis Libiran.

Gawa ni Randy Ortiz ang black gown na suot ni Megan Young. Hapit sa balinkinitang katawan ni Megan ang bustier dress na may lace detail sa bahagi ng dibdib, at napapatungan ng isang sequined cutout top.

Bumiyahe patungong Manila ang Malaysian actress na si Carmen Soo para lamang dumalo sa Star Magic Ball. Suot ni Carmen ang isang simple ngunit sexy na navy blue dress mula sa Malaysian fashion brand na Eclipse.

Nag-evolve na nang husto ang style ni Yeng Constantino. Mula sa dating pop-rock image, mas sophisticated na ngayon ang kanyang mga isinusuot, tulad na lang nitong figure-hugging sheer-with-lace gown.

Gawa ng designer na si Albert Andrada ang nude dress na ito na nilapatan ng white lace na may crystal beads.

Bumagay sa hubog ng katawan ni Dimples Romana ang serpentina dress na likha ni Perry Tabora. Mayroon itong white lining na napapatungan ng black patterned lace, at nilagyan ng red sash na sinuot bilang isang belt.

Nagmistulang oversized lily petals ang black satin ribbons na disenyo ng damit ni Jewel Mische. Likha ito ng designer na si John Herrera.

Likha naman ni Rajo Laurel ang cutout gown na suot ni Nikki Valdez. Ang itaas na bahagi nito ay gawa sa soft leather fabric, samantalang ang bahagi ng palda ay gawa sa pinagpatong na black at olive green na tulle.

Disenyo naman ni Joel Bautista ang champagne gown na suot ni Kitkat. Nilagyan ito ng black lace and feather accents sa may leeg, hita, at ilang bahagi ng train skirt.

Naging tradisyon na ni Kitkat ang paglalagay ng face paint at stick-on jewels sa kanyang mukha sa tuwing dadalo sa Star Magic Ball. Black and white crystals ang napili niyang gamitin sa taong ito.

Old Hollywood glamour naman ang peg ni Melai Cantiveros sa kanyang kasuotan. Tadtad ng Swarovski beads ang white gown, samantalang napuno naman ng ruffles ang ibabang bahagi nito.

Ang ayos ng kanyang buhok ay halaw sa flapper style na sumikat noong 1920s. Ideya ito ng kanyang stylist na si Patty Yap. Hindi na halos maaninag ang dating loose and carefree Melai sa wow na look niyang ito.

Kasunod ni Melai sa red carpet ang kapwa cast members ng Banana Split na sina Aiko Climaco (left) at Sunshine Garcia (right).

Bago napasok sa comedy acting ang dalawa ay pareho silang naging full-time TV dancers. Si Aiko ay dating Wowowee girl, samantalang si Sunshine ay nagmula sa grupong Sexbomb Dancers.

Mistulang flower fairy naman ang teen actress na si Yen Santos sa suot na white gown na gawa ni Roland Azalte. Tadtad ito ng hydrangea florettes na gawa sa satin at nilagyan ng accent na beige obi belt.

Dumating din ang singers na sina K-La Rivera (left) at Krissel Valdez (right). Sila ay mga finalists noon sa Star Power kung saan nahirang bilang champion si Angeline Quinto.

Suot ni K-La ang black organza gown na gawa ni Veejay Floresca, habang si Krissel naman ay nagpagawa ng sarili niyang gown.

Kasama din nina K-La at Krissel ang kapwa Star Power girls na sina Akiko Solon (left) at Monica Sacay (right).

Suot ni Akiko ang isang black sweetheart dress na likha ni Myrna Cebracus, samantalang si Monica ay suot ang isang black and white ruffled gown na pinatahi niya.

Very laidback naman ang style ng champagne dress na suot ni Linn Oeymo. Bumagay sa mala-modelong height ng teen actress-dancer ang disenyong ito ni Nat Manilag.

Sexy rin ang damit ng model-host na si Joyce So. Natatakpan ng malalaking gold beads at black fabric appliqués ang dibdib ni Joyce, habang masisilip naman sa ilalim ng sheer fabric ang ibang bahagi ng likod at tiyan nito. Natatakpan ng layers of ruffles ang kanyang legs.