Four years old pa lamang si John Manalo nang pasukin niya ang showbiz. Nais kasi niyang sundan ang career ng kanyang tito na si Jericho Rosales.

Ngayon ay 16 years old na ang aktor at binatang-binata nang tignan sa suot niyang suit na gawa ni Lloyd Arceo.

Isa si Eliza Pineda sa mga maagang nabigyan ng big break mula sa kanilang batch sa Goin' Bulilit. Taong 2007 nang pagbidahan niya ang teleserye remake ng Maria Flordeluna.

Seventeen years old na ngayon si Eliza at dalagang-dalaga sa suot niyang gown na gawa ni Mara Dizon.

Bukod sa comedy acting, unti-unti na ring napapansin ang husay ni Miles Ocampo sa pagsasayaw. Nang mapabilang ito sa teen variety show na Shoutout noong 2010, isa si Miles sa mga parating humahataw sa dance floor.

Fifteen years old na ngayon si Miles at very sexy sa suot niyang strapless gown na gawa ni Harvic Dominguez.

Patuloy pa ring nalilinya sa comedy ang batang aktor na si Igiboy Flores. Sa Sunday teen series na Luv U, si Igiboy ang tumatayong ka-loveteam ni Kiray Celis. Sila ang kuwelang pares sa show.

Suot ni Igiboy ang isang kuwela ring black and white suit na likha ni Jovan Dela Cruz.

Nakilala si Katrina Legaspi sa palayaw na "Hopia" noong bata pa siya dahil sa malusog na pangangatawan. Pero kitang-kita naman kung gaano kalaki ang ipinagbago niya ngayong 18 years old na siya.

Unang nakilala si Nikki Bagaporo bilang singer nang sumali ito sa Little Big Star, ang parehong singing contest sa TV kung saan din nakilala si Charice.

At 15, dalaga nang tingnan si Nikki sa suot niyang black and silver gown na dinisenyo ni Edwin Rosas Visda.

Kasama sa ikatlong batch ng Goin Bulilit graduates si Kristel Fulgar. Ilan sa mga shows na nagawa niya bukod sa kiddie gag show ay ang Kampanerang Kuba, at Dahil Sa Pag-Ibig, pati na rin sa Mulawin ng GMA-7.

Suot ni Kristel ang isang white gown na likha ni Simon Ariel Vasquez.

Fifteen years old pa lamang ngayon si CJ Navato, pero sa Internet maraming fans ang nagsasabing siya ay isa sa mga "hot and sexy teens" sa telebisyon. Ito ay dahil sa angking talento ni CJ sa pag-awit at pagtugtog ng gitara na naipapakita niya sa kanyang YouTube videos.

Gawa ni Jovan Dela Cruz ang suit ni CJ.

Isa si Angeli Gonzales sa mga ginu-groom ng Star Magic ngayon para maging susunod na teen female sensation. Isa siya sa tatlong bidang babae sa Luv U na kinabibilangan din nina Miles Ocampo at Kiray Celis.

Suot ni Angeli ang isang lace gown na gawa ni Edwin Rosas Visda.

Madalas maikumpara si Mikylla Ramirez kay Judy Ann Santos dahil sa pagkakahawig nito sa sikat na aktres. Bilang child star, ginampanan niya ang mga batang bersyon ng karakter ni Judy Ann sa Sa Piling Mo at Krystala.

Dumating si Mikylla sa Star Magic Ball na suot ang gown na likha ni Jay Custodio.

Madalas gampanan noon ni Aaliyah Benisano ang mga "mother roles" sa Goin' Bulilit, dahil mas matangkad ito kumpara sa iba niyang co-stars.

Heto siya ngayon at dalagang-dalaga nang tingnan sa puting gown na likha ni JC Ulanday.