Isa sa highlights ng programa ay ang paggawad ng Natatanging Alagad ng Musika award kina (L-R) Martin Nievera, Pops Fernandez, Kuh Ledesma, Gary Valenciano at Regine Velasquez.

Todo-puri ang huli sa production number ng mga anak ng kasama niyang awardees.

Nagbiro pa ang Asia's Songbird ng, "Abangan niyo ang anak ko. Dalawang taon lang, bibirit din iyon."

Dagdag pa niya, "Mga idolo ko po lahat ang mga kasama ko dito sa stage ngayon. Mga sampung taon silang ahead sa akin."

Ang hirit naman ng Concert Queen na si Pops kay Regine, "Mas nauna lang kaming nangailangan, Regs."

At ang reaksiyon ng Pop Diva, "Whatever!"

Kaabang-abang ang production number ng mga anak ng apat sa 12 recipients ng Natatanging Alagad ng Musika.

(L-R) Kabilang dito sina Robin Nievera, anak nina Martin Nievera at Pops Fernandez; Karylle, anak ni Zsa Zsa Padilla; Isabella, anak ni Kuh Ledesma; at Paolo Valenciano, anak ni Gary Valenciano.

Matapos ang performance ng kanilang mga anak ay umakyat na rin sa entablado ang mga awardees.

(L-R) Martin Nievera, Robin Nievera, Pops Fernandez, Kuh Ledesma, Isabella, Karylle, Gary Valenciano, at Paolo Valenciano.

Bagamat nakabalik na ito sa bansa mula Amerika, hindi dumalo si Zsa Zsa Padilla sa gabi ng parangal.

Tatlong linggo pa raw bago magbabalik-trabaho ang Divine Diva, na katatapos ma-operahan para tanggalin ang mala-golf ball cyst sa kanyang kidney.

Nagsilbing hosts sina Maja Salvador, Pops Fernandez at Xian Lim.

During the commercial gap, paulit-ulit na nagbiro si Maja na kaya siya inimbitahang host, kahit hindi siya singer, ay dahil nakikinita niyang next year ay sasabak siya sa recording.

Lalo pang naaliw ang audience nang patugtugin at sabayan ng young actress ang "Mr. DJ," na pinasikat Sharon Cuneta.

Sa opening number ay inawit ng mga nominees ang kani-kanilang piyesa na itinampok sa kategoryang Song of the Year award.

(L-R) Kinanta ni Yael Yuzon ng Sponge Cola ang "Tambay," habang inawit naman ni Juris ang "Kahit Di Mo Sabihin."

"Breathe Again" ang kinanta ni Jed Madela, habang "Hindi Kita Iiwan" naman ang kay Sam Milby.

Si Christian Bautista ang kumanta ng "I'm Already King"; ang kay Erik Santos ay "Kulang Ako Kung Wala Ka"; at ang kay Bamboo Mañalac ay "Questions."

Bago ginawaran ng Lifetime Achievement Award ang tinaguriang Diamond Recording Artist na si Jose Mari Chan, inawit nina (L-R) Princess Velasco, Angeline Quinto, Yeng Constantino, at Christian Bautista ang ilan sa kanyang classic hits.

Kabilang dito ang "Can We Just Stop And Talk A While," "Afraid For Love To Fade," "Constant Change," "Beautiful Girl," at "Please Be Careful With My Heart."

Sa pag-akyat ni Jose Mari Chan sa entablado ay binigyan siya ng standing ovation.

Nagsimula ang kanyang singing-recording noong late '60s.

Ilan sa hit albums niya ay: Deep in My Heart (1969), Can We Just Stop and Talk a While (1973), Constant Change (1989) na umabot sa double diamond sa sales, Christmas in Our Hearts (1990) na nag-double diamond din, at marami pang iba.

Male Pop Artist of the Year si Christian Bautista para sa kanyang album na Outbound mula sa Universal Records.

Sinasabing lucky charm daw ng binata ang girlfriend na si Carla Dunareanu na kasabay niyang dumating sa Meralco Theater noong gabing iyon.

Sa female rock artist category ay nagwagi si Yeng Constantino para sa Yeng Versions Live (Star Records).

Ito ang second Star Awards for Music trophy niya matapos mapanalunan ang Album of the Year noong 2010 para sa Lapit (Star Records).

At kahit hindi na first time, nanginginig si Yeng nang iabot ang kanyang trophy.

Ang kasalukuyang presidente ng Philippine Movie Press Club na si Roldan Castro (right) ang nag-abot ng trophy kay Aiza Seguerra, na hinirang bilang Female Recording Artist of the Year.

Ito ay para sa kanyang Songs from the Vault album mula sa Star Records.

To view part 2 of the gallery, CLICK HERE.