Nagsalitan sa pag-awit ang ASAP 2012 regulars na sina (L-R) Princess Velasco, Angeline Quinto, Yeng Constantino, at Christian Bautista (not in photo), ng mga hits ng Lifetime Achievement Awardee na si Jose Mari Chan.

Matatandaang ni-revive ni Christian ang mga awitin ni Jose Mari sa album na Romance Revisited: The Love Songs of Jose Mari Chan.

Jose Mari Chan with his wife Mary Ann Ansaldo...

Happily married ang singer-composer at walong taon na lang ay ise-selebra ng mag-asawa ang kanilang golden wedding anniversary.

Inuwi ng Sponge Cola ang Album of the Year award para sa Araw Oras Tagpuan mula sa Universal Records.

Nanalo ring Male Rock Artist of the Year ang vocalist ng banda na si Yael Yuzon (center).

Inawit ng second grand winner ng Pilipinas Got Talent  na si Marcelito Pomoy (left) ang Till My Heartaches End, isa sa mga likha ng kompositor na si Vehnee Saturno (right, still shot).

Ginawaran si Vehnee ng special award para sa kontribusyon nito sa Filipino music industry.

May ka-tie si Robin Nievera bilang New Male Recording Artist of the Year para sa album niyang Overwait.

Ito ay si DK Valdez (not in photo) para sa It’s All About Love album.

Ipinahayag ng ina ni Robin na si Pops Fernandez, isa sa host ng awards night, ang pasasalamat niya sa PMPC, na siyang naggawad ng kauna-unahang tropeyo sa kanyang anak.

Si Robin din ang tumanggap ng award para sa Revival Album of the Year award, na napanalunan ng amang si Martin Nivera, na nahuli sa pagdating sa pagtitipon.

Ang title ng album ni Martin ay Mga Awit at Damdamin.

Napunta sa Wonder Gays ang tatlong novelty awards para sa kanilang album na Blind Item mula sa D’Concorde Records & LDG Prod. & Ent. Recording Co.

Itinanghal na Novelty Song of the Year ang awiting "Blind Item" at Novelty Album of the Year naman ang album na may parehong pangalan.

Pinarangalan din ang grupo bilang Novelty Artist of the Year.

Habang nakatigil ang live taping, biniro ng award presenter na si Claire Dela Fuente (left) ang kapwa presenter niyang si Rico Puno (right).

Aniya, "Medyo naiinitan na sa likod [backstage] si Rico dahil sa peluka niya."

Sinagot naman siya ni Rico ng, "Bakit ang laki-laki ng su__ mo?" na siyang ikinatawa ng mga tao.

Presenters din sina Jessa Zaragoza (right) at Noel Cabangon (left), na nanalo ng Acoustic Album of the Year award para sa Panaginip at Male Acoustic Artist of the Year award.

Magkakasamang binigyan ng tribute sa pamamagitan ng pag-awit nina Marcelito Pomoy, Jovit Baldevino, at Mocha Girls ang mga composers na sina (L-R) Lito Camo, Vehnee Saturno at Boy Christopher.

Idineklara din ang tatlo bilang Natatanging Alagad ng Musika.

Sa kanilang acceptance speech, inalala nina Vehnee at Boy ang mga panahong "magbubukid" pa raw sila. Ang ibig niyang sabihin, para silang magsasaka noon kung ilako ang kanilang mga casette tapes.

Ang producer ng It's Complicated concert na si Pelita Peralta-Uy (third from left) ang tumanggap ng Concert of the Year award.

Kasama niya ang co-producer na si Carmela Honrado (third from right), tatlo sa limang members ng grupong The Company, at si Jose Mari Chan.