Lingid sa kaalaman ng nakararami, mayroong talento sa pagpipinta ang mang-aawit na si Kuh Ledesma. Kaya naman kapalit ng maraming taon na hindi siya nakapinta ay ginawa niya ang apatnapung paintings na ito, sa loob ng walong buwan.

Masigla at nakangiting binati ng anak ni Kuh na si Isabella Gonzales ang mga dumadating na bisita. Katulad ng kanyang ina, marunong ding kumanta at umawit si Isabella.

Abala siya ngayon sa album na kanyang ilo-launch sa katapusan ng taon o Enero ng susunod na taon.

Bagamat hindi pa lubos na magaling, naglaan pa rin ng oras si Zsa Zsa Padilla upang dumalo sa exhibit ni Kuh, na kasamahan niya sa industriya.

Hindi nagawang magtagal ni Zsa Zsa sa exhibit. Sumasakit pa rin daw kasi ang tahi niya, na dahil sa operasyong ginawa sa kanyang kidney.

Matatandaan na noong Agosto 27 ay sumailalim sa operasyon si Zsa Zsa upang alisin ang polyp sa kanyang kidney.

Dumalo rin noong gabing iyon ang aktres na si Cherie Gil (kanan), na kilala sa kanyang mga kontrabida roles. Sinalubong siya ni Isabella (kaliwa) na tuwang-tuwa na makita siya noong gabing iyon.

Agad siyang nilapitan ng ilang guest na naroon upang magpakuha ng litrato.

Kasamang dumating ni Rachel (kaliwa) ang talent manager niyang si Girlie Rodis (kanan). Binili ni Girlie ang isa sa mga paintings ni Kuh, ang "Shadows."

Nagpakita rin ng suporta kay Kuh si Danny Javier. Katulad ni Kuh, matagal na rin sa mundo ng musika si Danny. Kasama niya sina Buboy Garovillo at Jim Paredes sa OPM group na APO Hiking Society. Ngunit matapos mag-retire ng grupo noong 2010, inilaan na ni Danny ang kanyang oras sa pagnenegosyo.

Nagpakuha ng litrato ang komedyanteng si Arnell Ignacio sa "2 Dogs IceSkating" painting na ito ni Kuh. Isa ang painting na ito sa mga pinakanagustuhan ng mga bisita noong gabing iyon.

Kasama ng beauty queen/actress na si Maria Isabel Lopez (kaliwa) ang kanyang anak na si Mara Yokohama (kanan) nang dumating sa exhibit.

Sumali sina Maria at Mara sa GMA-7 reality show na Survivor Philippines: Celebrity Doubles Showdown noong nakaraang taon.

Medyo gabi na nang dumating ang 1973 Miss Universe winner na si Margie Moran (kaliwa) sa painting exhibit ni Kuh (kanan). Minsan nang lumabas sa daily newspaper na Philippine Star ang isa sa paintings ni Kuh na na kay Margie.

Ang painting naman na "Wild and Beautiful" ang nagustuhan ni Zsa Zsa Padilla. Noong makita niya raw kasi ang painting ay tila nagbibigay ito ng "positive" vibe, na kinakailangan niya ngayong marami siyang pinagdadaanan sa buhay.

Isa ang pananampalataya ni Kuh sa mga naging inspirasyon niya sa pagpipinta. Kuwento pa niya, habang ginagawa ang ilan sa mga paintings, ang idinadasal niya raw ay "Lord, guide me. Ikaw ang mag-paint."

Ang tatlo sa mga "faith-inspired" paintings niya ay ang (L-R) "Race to Perfection," "This is the Way" at "The Cross."

Siyempre, hindi mawawala ang musika sa mga likhang-sining ni Kuh. Dalawa lamang ang mga paintings na "White Cello 1" at "Cello Moderno" sa nagpakita ng kanyang pagmamahal sa musika.

Naging inspirasyon rin ni Kuh ang Hacienda Isabella, ang haciendang ipinangalan niya sa kanyang anak na si Isabella. Ikinuwento ng kanyang anak na kada buwan ay inaaya siya ng kanyang ina na pumunta sa hacienda upang magpinta.

Ang (L-R) "Golden Talahib" at "A Bright Day Too" paintings ang magpapatunay kung gaano kaganda ang tanawin sa Hacienda Isabella.