Matapos ng kanilang retro song-and-dance number, bahagyang nagseryoso naman ang mood ng programa nang hubarin na ni Direk Eric Quizon ang wig na suot at ipakilala ang susunod na magaganap. 

Ipinakilala ni Eric ang video ng pagkanta ng kapatid nilang si Zia ng "Smile" na ka-duet ang lumang clip ng kanilang ama na kumakanta rin ng parehong awit. 

Isa sa pinaka-pinalakpakan nang husto ay nang magsayaw si Kapamilya talent Gab Valenciano (kaliwa) at Kapuso talent Mark Herras. 

Liban kasi sa hindi nagsasama ang dalawang mahusay na dancer sa iisang entablado, dahil na rin sa kanilang mga kontrata sa magkaibang network, sinabayan pa ito ng video wall sa kanilang likuran na nagpapakitang sumasayaw rin ang dance partners noong araw na sina Dolphy at Bayani Casimiro.

Si Bayani ay legend na, lalo na sa tap dancing. Pero si Dolphy ang talagang dinadayo sa set ng kahit mga kapwa artista noong nasa Sampaguita Pictures pa ito, ayon kay Gloria Romero.

Isa si Roderick Paulate sa mga gumanap bilang anak ni Dolphy sa ilang proyekto sa TV at pelikula, katulad ng 1985 movie nila noon na Mga Anak ni Facifica Falayfay.

Katulad ng maraming nakatrabaho ni Dolphy, nami-miss daw nang husto ni Roderick ang makatrabaho ang Comedy King.