Isang batang bulag ang bukod na pagpapalain, mismong Birheng Maria ang siyang tutugon sa kanyang panalanging makikita upang hanapin ang mga magulang na ‘di niya nakilala. Ngunit sa kaniyang pagdilat, mamumulat din ang kanyang mga mata sa tunay na lagay ng mundong kanyang tinitirhan, isang mundong puno ng hinagpis at kasamaan.

Si Anghelita (Krystal Reyes), ay isang batang bulag na pinagkalooban ng paningin ng Birheng Maria upang maging instrumento ng kabutihan. Kasabay ng pahahanap ni Anghelita sa kanyang tunay na magulang, tatangkain niya na unti-unting iwasto ang mga kamaliang kanyang makikita, gamit ang kapangyarihang ipinagkaloob ng Birheng Maria.

Si Magdalena (Sheryl Cruz) ay ang malupit na tagapag-alaga ni Anghelita at reyna ng mga pasugalan.

Ang kubang si Gabriel (Marvin Agustin) ang makakatuwang ni Anghelita sa pagsugpo sa kasamaan.

Si Mayor Carlos (Tonton Gutierrez) ay ang pinuno ng bayan ng Sta. Maria.

Si Mark Herras ang gaganap na Abel, ang pamangkin ni Magdalena at kanag-kamay sa mga pasugalan.

Makakasama ni Isabel Oli, ang gaganap bilang Teresa, ang former boyfriend niya na si Paolo Contis sa drama series na ito. Si Teresa ang dalagang anak ni Isaac at kasintahan ni Martin (Paolo).

Si Paolo Contis ay gaganap bilang Martin, ang anak ni Mayor Carlos na siyang magpapasakit kay Gabriel.

Si Ms. Celia Rodriguez ay gaganap bilang Selma, na siyang ina ni Cristina (Carmina Villaroel).

Si Linda (Beth Tamayo) ang inain na kumupkop kay Anghelita.