Matagal nang inaawitan si Lolit na mag-guest sa "Don't Lie To Me" segment ni John "Sweet" Lapus sa Showbiz Central. Sa wakas ay makuha na nga si Lolit, pero bago pa man mag-umpisa ang pagtatanong ay nagpauna na't nagbanta agad ang talent manager-TV host.
"Uuwi ka ng naka-stretcher!" anito kay John. Sisiguraduhin daw kasi ni Lolit na puro lie ang lalabas sa machine para magsayaw nang magsayaw si John ng kanyang "Buwis-buhay Dance."
TAKING HOME A CELLPHONE. Kilalang laging bumabati si Lolot, dala ng kanyang mahabang listahan, kaya sinabihan naman siya ni John na papayagan lang siyang bumati kung mas maraming truth na lalabas sa kanyang mga sagot. Pero, hindi pa man nagtatagal ang portion, nag-"pasaway" agad si Lolit nang bumati na agad ito nang dire-diretso mula sa listahan niya.
Unang tanong kay Lolit: totoo nga bang noong nakaraang press conference ni Richard Gutierrez for Flawless ay kinuha na lang basta ni Lolit ang isang cell phone na pa-raffle prize kahit hindi naman siya ang tinawag na winner.
"No" ang natatawang sagot ni Lolit na nagresulta naman sa lie-detector ng "Lie." Sayaw naman agad si Sweet, ayon na rin sa nakagawian sa portion na yun ng Showbiz Central.
Rason ni Manay Lolit: "E, kasi gabi na, pauwi na ‘ko, hindi pa rin nagra-raffle. So, get ko na ang cellphone! Akin ‘to! Premyo ko ‘to! Iniuwi ko siyang talaga!
"Naiinis nga ako, sana dalawa ang kinuha ko. Nang malaman kong may nanalo na iba, sabi ko, akin dapat yun, ah," dagdag pa ni Lolit na tila patototoo sa kanyang "harbatera" image na ikina-notorious niya noon as a newcomer showbiz reporter.
OSANG RETURNS? Sa ikalawang tanong ni John, nagpauna na siya kay Lolit na medyo seryoso at sensitibo ang topic, sabay hope na sana nga raw, huwag namang lie ang lumabas.
Tanong ni John, totoo nga raw ba na napatawad na ni Lolit ang dating alaga nitong si Rosanna Roces at kung totoo rin daw bang nagpaparamdam si Osang kay Lolit para makabalik siyang muli sa GMA?
Isang malakas na, "Yes! Para lie," ang sagot ni Lolit kay John nang natatawa. True enough, lie nga ang lumabas para muling magsayaw si John na kanyang buwis-buhay na may bagong step na ipinakita, iniikot pa ito sa ere ng kanyang backup dancer.
CRUSH ON JOEY. Ang ikatlong tanong kay Lolit ay mula sa kanyang kasamahang co-host ng Startalk na si Butch Francisco. Ang tanong ni Butch ay tungkol kay Joey de Leon na kapwa rin nila co-host sa Startalk. Tanong ni Butch, noon daw ba na magkaklase pa sa high school at pati na noong magkasama pa sa Broadcast City sina Joey at Lolit—in short, noong bata pa sila—ay nagkaroon ba ng kahit konti lang na pagkagusto si Lolit kay Joey?
Napangiwi si Lolit bago sinagot ang tanong at natatawa pa rin, "Yes, para lie!" Pero this time, "Truth" ang lumabas na resulta, kung kaya't abut-abot na kantyaw ang natanggap ni Lolit from Sweet.
Apela naman ni Lolit, mali raw ang lie-detector. Paano raw niya magugustuhan si Joey, e, palagi raw niya itong tinutusok ng lapis noong magkaklase pa sila?
MORE THAN TALENT-MANAGER RELATIONSHIP? Sa ikaapat na tanong ni John kay Lolit, "Yes" muli ang sinagot nito na intensyon ngang pasayawin si John muli sa sandaling "lie" ang resulta ng lie detector.
Ang tanong kay Lolit: Totoo nga bang higit pa sa isang alaga ang naging pagmamahal ni Lolit noon kay Gabby Concepcion?
