Isa-isang sinagot ni Mrs. Rose Flaminiano, o mas kilala sa tawag na Mommy Rose sa showbiz, ang lahat ng isyung ibinabato sa kanya ng talent niyang si Gabby Concepcion.
Nagpatawag si Mommy Rose ng isang presscon kasama ang kanyang legal counsel na st Atty. Bonifacio Alentajan noong Miyerkules, September 17, sa Hotel Rembrandt sa Quezon City, para sagutin ang mga paratang sa kanya ni Gabby sa interview nito sa The Buzz noong September 14.
Una na rito ang tungkol sa diumano'y patong na P25,000 sa kontrata ni Gabby sa kanyang show sa PAGCOR.
"Bakit niya ako ngayon aakusahan sa twenty-five thousand?" tanong ni Mommy Rose. "Imagine, ako lahat ang gumagastos. Siguro si Atty. Alentajan [na katabi niya that time], kaibigan ko ito, pero hindi ko naman pababayaan kahit paano na hindi ako magbabayad.
"Naka-amerikana [tuxedo], nagpapalinis pa ‘yan [Gabby] ng amerikana. Pero ang asawa ko [Atty. Ed Flaminiano], pumupunta doon [sa hearing ng mga kaso ni Gabby] nang walang bayad alang-alang sa akin. Walang attorney's fee kahit singko sentimos, wala siyang ibinayad.
"Ako ang nagpiyansa, ako ang nagbabayad lahat. Ano pang ano? Magtutuusan kami? Baka siya pa ang talagang sumobra ng ano sa akin kapag nagtuusan kami? Biro mo, twenty-five thousand sa harap ng telebisyon sasabihin niya. Di ba, nakakahiya yun?
"Hindi ko lang masabi that time, siyempre may P11 million ako naisampa sa kanya. Every month, two million mahigit, plus one million ang teleserye [Iisa Pa Lamang]. E, di tatlong milyon yun? ‘Tapos aakusahan niya ako sa twenty-five thousand? Ano ba yun? Ang babaw!
"Kaya yun 'pag naalala ko yun, kaya ako napahagulgol talaga ng iyak, kasi yung totoo naman, nung sinundo ko siya sa Amerika, talaga naman, maayos naman siya. Natuwa ako sa kanya kaya ganun na lang ang pagtingin ko. Siya ang naghuhugas ng pinggan. Siya yung doon sa bahay niya, nung naglipat siya, nakita ko na mag-isang naglilipat. Siyempre, nung nakita ko siya, ‘Oy, pagdating natin sa Pilipinas, wala na 'yan. Hindi mo na dadanasin ‘yan. Ikaw Gabby, pagdating natin, makikita mo kung paano ko ipagtatanggol, kung paano kita iaangat ulit.'
"Nakita niyo naman na walang nangyari sa buong industriya sa pelikulang Pilipino na bumalik na ganyan kainit. Tama o mali? Hindi kasi ako talaga, kinu-consider ko, naging challenge sa akin yung pagbabalik ni Gabby. Kaya ako, super ang ligaya ko nung siya'y nakaahon. Kaya lang, yun nga ang inaano ko, kung bakit napakaliit na bagay.
"Assuming, sige na, P150,000 nga yun, P125,000 ang napunta sa kanya, yung P25,000 ba, dapat ba ipagmarakulyo ng ulo mo sa isang nakapagbigay, ako, ng ilang milyones na? Mga eight to ten million, ‘tapos eleven million? Iba pa yung mga inaayos ko para maging Ambassador of Good Health and Education siya. Siya mag-aayos ng mga nutrition. E, ngayon, nagkagulo kami. Meron pa bang sponsor na puwedeng pumayag? Meron pa bang mga kukuha na puwedeng pumayag?
"Ang sinasabi, pinapalitaw sa akin ngayon, meron daw isang mayaman na magdedepensa sa kanya. Isang mayaman na talagang tutulungan siya sa kaso. Okey lang. E, hindi ko alam kung sino yun."
REAL REASON OF GABBY'S RETURN. Totoo ba na ang rason ng pag-uwi ni Gabby sa Pilipinas ay dahil sa maysakit niyang ama na si Rolly Concepcion?
"Actually, hindi ko narinig ‘yon. Nahihiya man ako, ‘no, tutal narito na tayo sa gathering natin ngayon, yung katotohanan lang... Kasi meron akong narinig, sabi ni Jobert [Sucaldito], kaya lang daw siya sumama sa akin, natumbok ko yung ano ni Gabby, na gusto niyang makita ang tatay niya. Hindi," mariing sabi ni Mommy Rose.
"Nung nagkikita kami sa Hawaii, sa Max's restaurant, sabi ko sa kanya... Kasi talagang guwapo pa siya, e, talagang puwede pa siya. ‘Naku, Gabby, puwede ka pa sa pelikula. Kalangan ka namin. Tara, gawa tayo ng pelikula.'
"Sabi niya, 'Parang ayoko nang umuwi.' Sabi ko, ‘Anong problema mo?' Until finally, nasabi niya sa akin yung mga kaso, yung mga ganyan. Sabi ko, ‘O sige, ayusin ko yun. Ire-research ko yun kung ano yun para malaman ko na puwede ka nang makabalik.
