After his breakup with Rufa Mae Quinto, wala nang nabalitang sumunod na naging girlfriend ang singer na si Erik Santos.

But last Holy Week, nakita diumano ang Pop Prince na may kasamang non-showbiz girl sa Boracay. "Sweet" at kasa-kasama raw palagi ni Erik sa mga lakaran at gimik sa Boracay ang non-showbiz girl. Marami tuloy ang nagtatanong kung ito na kaya ang bagong inspirasyon ng singer matapos ng matagal-tagal ding wala siyang karelasyon.

"Kasama ko sa Boracay ang ate ko, saka with some friends, sila Tito Boy [Abunda, Erik's manager]. Yung sinasabi nilang girl na kasama ko, she's a family friend. She's a doctor, 28 years old. She's not my girlfriend, hindi ko siya nililigawan. Kaibigan ko yun," paglilinaw ni Erik sa PEP (Philippine Entertainment Portal).

Ayon kay Erik, wala siyang panahon to enter into a relationship right now.

"Sa dami ng ginagawa ko, parang wala na akong time sa ganyan. Nag-aaral ako, two sems na lang, graduate na ako. Nagtatrabaho ako. Most of the time na free ang sked ko naman, I go out with my friends," sabi ni Erik, na kumukuha ng kursong Psychology sa Centro Escolar University (CEU).

RUFA MAE QUINTO. Palagi namang sinasabi ni Erik na minahal at tumatak talaga sa kanya ang naging relasyon nila ni Rufa Mae. Since pareho namang single at wala silang karelasyon ngayon, open kaya si Erik na makipagbalikan kay Rufa Mae?

"Malay natin, di ba?" sagot ni Erik. "I'm not closing any doors. Sabihin na nating minahal ko siya nang mahal na mahal. Pero ngayon, friends na lang talaga kami. Si P-chi, BFF ko na 'yan, best friends forever. Maganda ang relasyon namin ni P-Chi as friends, open ang communication line namin lagi. Hindi na kami, pero nandun lagi yung respeto at tiwala namin sa isa't isa."

FROM BELO TO CALAYAN. Naging malaking issue ang paglipat noon ni Boy Abunda from Belo Medical Group to Calayan Surgicentre na naging dahilan pa ng pagbibiro noon ni Dra. Vicki Belo na nakasakit nang husto sa loob ng manager ni Erik. As one of the talents of Boy, lumipat na rin pala si Erik sa Calayan mula sa Belo.

"This year lang," banggit ni Erik. "January lumipat si Tito Boy, ako, kasabay ko si Ms. Ai [Ai-Ai delas Alas]. Interested sila to get me as their endorser. And si Dr. Calayan, mabait siya, talagang in touch siya sa mga clients niya, sa mga endorsers  niya. Before, I used to go to Belo. Pero since kinuha na ako ni Dr. Calayan, dun na ako."