Sa "Sweet Fire" segment ng Showbiz Central kahapon, January 2, live na nag-guest ang Grazilda stars na sina Glaiza de Castro, Daniel Matsunaga, at Geoff Eigenamnn.

Huling linggo na ng GMA-7 fantaserye this week.

GLAIZA DE CASTRO. Tinanong ng host na si John "Sweet" Lapus si Glaiza kung sino kina Geoff at Daniel ang mas guwapo.

"Ay, puwede bang pareho? Ano ba yun?" natatawang reaksiyon ng young actress.

Diretsong tinanong naman ni Sweet si Glaiza kung boyfriend na ba nito si Felix Roco.

"Hindi," mabilis na sagot ng dalaga.

Magkaibigan lamang daw sila at career ang kanyang inaasikaso sa ngayon.

Dagdag pa ni Glaiza, "Oo, at saka marami akong dapat i-prioritize ngayon dahil sa bago kong bahay, and family muna."

GEOFF EIGENMANN. Ang unang tanong naman ni Sweet kay Geoff ay kung totoong necklace at cell phone ang iniregalo nito sa kasintahang si Carla Abellana noong nakaraang Pasko.

"True," ang mabilis na sagot ni Geoff.

Totoo bang dinala siya ni Carla sa tatay nitong si Rey "PJ" Abellana noong Christmas? (CLICK HERE to read related story.)

"Yeah, totoo yun," pagkumpirma ng young actor.

Nag-usap ba sila ng ama ng kanyang girlfriend tungkol sa mga intriga na kinasangkutan nila?

"Actually, hindi kami nag-usap talaga about yung mga lumabas na intriga. It was more of a welcome, na he was happy na nandun ako at kasama ng family niya during Christmas.

"It was a great night and it was an honor and a pleasure for me to be with the whole family," nakangiting sagot ni Geoff.