Kahapon lang, May 13, nagkaroon ng pagkakataong magkita sina Rhian Ramos at Atty. Lorna Kapunan.

Si Atty. Kapunan ang siyang napili ng GMA Artist Center na maging legal counsel ng Kapuso star.

Ang abugada ay matatandaang siyang counsel ni James Yap sa annulment and settlement ng basketbolista at ng asawa nitong si Kris Aquino.

Dalawang beses na raw nakapunta si Rhian sa Kapunan, Lotilla, Flores, Garcia & Castillo Law Offices, pero ang partners pa lang nito ang nakakausap niya.

Ayon kay Atty. Kapunan, nakuwento ng isang partner sa kanyang law office na nung unang punta ni Rhian sa kanilang tanggapan, mukhang apektado raw nang husto ang young actress.

"When my partners saw her and talked to her, she seemed very distraught because of what Mo had done to her, certainly.

"She was concerned about how it will affect her contracts that had morality clauses.

"But when she came back yesterday [May 12] and met my partner again, she seemed better.

"And I think what she has found out for herself is there is life outside the relationship," pahayag ni Atty. Kapunan sa PEP.ph (Philippine Entertainment Portal) nang makausap namin siya sa kanyang opisina sa The Fort, Taguig City, kahapon.

Ayon pa kay Atty. Kapunan, "I understand from my partner, that she has gotten busy.

"Enrolled in fashion school, yoga classes, and all that. 

"So, it's I think her way of coping with the situation, while the lawyers are trying to understand what are the legal options should there be no possibility of a settlement between the two."

Kaibigan din daw ni Atty. Kapunan si DJ Mo dahil kay Hayden Kho Jr., na kliyente niya sa kasong isinampa rito ni Katrina Halili.

Kaya naniniwala raw siyang maaayos ito na hindi na aabot sa demandahan.

Iyon din naman daw talaga ang gusto niya dahil personal na isyu nila ito, na puwedeng pag-usapan na lang nilang dalawa.