Matagal nang naririnig ang kuwento tungkol kay Jennylyn Mercado kunsaan ipinaampon daw siya ng biological parents niya sa kanyang kinikilalang ina na si Lydia Mercado.
May mga hindi rin magagandang karanasan si Jennylyn noong bata siya na minsan na ring naisatelebisyon noon pagkatapos niyang manalo sa StarStruck Batch 1, at madalas ay napag-uusapan pa rin sa mga interview niya.
Sa The Buzz kahapon, June 5, sa kauna-unahang pagkakataon ay nagpa-interview ang biological mother ni Jennylyn na si Jinkee.
Nakausap si Jinkee sa Dubai ng TFC senior correspondent for Dubai na si Rachel Salinel.
Humarap ang tunay ina ni Jennylyn para pasubalian ang ilan sa mga naging pahayag ni Jennylyn tungkol sa kanya sa tell-all interview ng Kapuso young actress sa June 2011 issue ng YES! magazine.
Hindi nga lang pumayag na humarap sa camera si Jinkee nang magpa-interview siya. Ito ay bilang proteksyon na rin daw sa kanyang pamilya, partikular na sa kanyang mga anak.
Ayon sa impormasyong ibinigay nina Jennylyn at Lydia sa YES!, pinsan ni Lydia ang biological mother ni Jennylyn.
Sina Jinkee at Lydia, kasama ang isa pa nilang pinsan na si Thelma, ay pinalaki bilang magkakapatid ng kanilang adoptive mother na si Salustiana Vergara.
Ang tunay na ama naman ni Jennylyn ay si Noli Pineda, isang musician.
Nang maghiwalay ang biological parents ni Jennylyn, lumipad papuntang South Korea si Noli, at si Jinkee naman ay nagtrabaho bilang domestic helper sa Dubai.
Anim na buwan pa lamang daw noon si Jennylyn na naiwan kay Lydia at sa yumao nitong asawa na si Roger Mercado.
Sinasabing ang main suspect daw sa physical abuse noong three years old pa lang si Jennylyn ay isang hindi pinangalanan na lalaki na diumano'y pinakasalan ni Jinkee at tumayong stepfather kay Jennylyn.
WHY NOW? Pero sa interview ng The Buzz kay Jinkee sa Dubai, itinanggi nito ang ilang nailathalang impormasyon sa YES!.
Ayon sa biological mother ni Jennylyn, hindi raw sila magkamag-anak ni Mommy Lydia.
"We're not related. My biological family has passed away," sabi niya.
