Ayon sa report ng StarTalk TX kahapon, Sabado, June 11, apat na araw ding hindi nagkita ang mag-asawang Ogie Alcasid at Regine Velasquez. Galing kasi si Ogie sa Singapore para sa Music Fest.

"Hindi ko siya nadala dun dahil hindi kami pinayagan, hindi siya pinayagan ng doctor, so siyempre, para sa safety ng baby," pahayag ni Ogie sa taped interview sa kanya ng StarTalk TX.

May nakakatawang kwento si Ogie tungkol sa pagdududang asawa niya si Regine habang nasa Singapore siya.

"Kinanta ko yung 'Please Be Careful With My Heart [a duet by Regine and Jose Mari Chan].' Nakakatawa nga kasi nung rehearsal, sabi nila, 'Oh we know that song, it's by Regine!'

"Sabi ko yes, and Regine sang with Jacky Cheung, right? And sabi nila, 'Yes, yes!'"

Nag-duet noon sa kantang In Love With You sina Regine and Chinese singer/composer/actor Jacky Cheung.

"Sabi ko, 'Regine is my wife'. Parang sabi nila, 'Hindi nga?' "Parang sabi siguro nila, 'Weh?'

"Sabi ko, 'Yeah, she's my wife.' Parang gumaganun sila [na hindi naniniwala], sabi ko ulit, 'Yes, she's really my wife!'

"Idol na idol nila si Regine, so nakakatuwa naman."

Contrary to reports, hindi kambal ang ipinagbubuntis ni Regine, pero alam na ba nila ang kasarian ng baby?

"Wala pa, siguro next month. Kasi nasa three months and two weeks na kami so siguro sa fourth month medyo masisilayan na kung meron siyang extension dun sa kanyang katawan," ang natatawang sinabi pa ni Ogie.

Bagamat wala namang preference si Regine sa pagkain, she's constantly watching...

"Her sugar. Meron siyang gestational diabetes which is quite normal for pregnant women. We try not to give her too many carbohydrates and... mahirap kasi, siyempre pag buntis ka you're always hungry, 'noh? So nakakaawa naman, laging gutom.

"Pero iyon nga sabi ko, 'Hon, kailangang konting tiis.'

Understandable naman daw ang pag-aalala ni Ogie sa kundisyon ng asawa.