Nakausap ng PEP.ph (Philippine Entertainment Portal) si Rhian Ramos bago ang live airing ng Manny Many Prizes noong Sabado, October 8, sa SM Mall of Asia.
Nakatakdang umalis noong gabing 'yon si Manny Pacquiao pagkatapos ng kanilang show para ituloy ang kanyang training sa States bago ang laban nila ni Juan Manuel Marquez sa November 12.
Ayon kay Rhian, balak din niyang manood nang live sa nabanggit na laban ng kanilang "Ninong Manny" (tawag kay Manny Pacquiao sa kanilang show).
"Ako, inaayos ko pa yung schedule ko para makasama.
"Pero yung lahat ng mga hosts [ng Manny Many Prizes], talagang lahat kami inaayos namin yung mga schedule namin para makasama."
DATING FRANK M.? Sunod na tanong ay kung okay na ba si Rhian at si Frank Magalona.
"Anong okay na?" balik-tanong ni Rhian.
Kung sila na raw ba ng nakatatandang kapatid ni Maxene Magalona?
"Nabasa ko yun. Nakakainis, ha. Friend ko siya," paliwanag uli ng aktres.
"Hindi, e. Ayokong ma-link sa friend.
"Parang nagiging awkward tuloy. Alam mo yun?"
Pero, lumalabas ba sila ni Frank?
"Oo, pero marami kami. Never ko siyang nakasama na kami lang naman."
Tinanong namin kung ano sakali ang chances ni Frank sa kanya from a scale of 1 to 10—10 being the highest chance.
"As a person?" tanong naman uli ni Rhian kung ibabase niya ang sagot sa pagiging kaibigan si Frank.
