Naging tahimik ang showbiz patungkol sa isyung Annabelle Rama versus Nadia Montenegro matapos ang huling pahayag ni Nadia sa Startalk TX noong October 8. (CLICK HERE to read related article)
Subalit muling uminit ang usapan ngayong linggo sa social networking site na Twitter dahil sa ilang maaanghang na tweets ni Annabelle patungkol kay Nadia.
Noong October 17 ay nag-post si Annabelle na natanggap na umano niya ang subpoena mula sa lawyer ni Nadia.
"...excited na ako sumagot. Tingnan ko lang kung hindi siya mawindang sa mga isasagot ko..."
Bumuwelta naman si Nadia ng magkakasunod ding tweets:
"See you in COURT, badminton court.!!! Im sure!! Im sure!! Im sure!!! Im sooo ready. Are u??? Lets play ball!!!!!!"
"See you in COURT!! Tennis court! Cant wait to score an ace."
"Blah...blah..blah...blah...blah...blah...!! Blah...blahhh..blahhh blahhh...blah!!! Daming satsat!"
Nang sumunod na araw, October 18, ay muling nagpasaring si Annabelle kay Nadia:
"Sabi mo puro ako satsat? Bakit nasasaktan ka ba sa mga pasabog ko? Kulang pa yan, nag-uumpisa pa lang ako.
"Unti-untiin ko ang mga hawak hawak kong mga baho mo! Kasing baho ka ng baboy. Hahahaha naiinis ka na?"
"Hoy tabaching ching sabi mo sa twitter i'll see u in court. ito sagot ko. Halika magkita tayo sa badminton court ngayon para gawin kitang bola.
"Hampas-hampasin ko yung ball at may kasamang sipa pak pak pak! Stupid!"
Sunud-sunod din ang tweets ni Nadia noong araw na iyon, na nataong araw din ng 23rd wedding anniversary nila ni Boy Asistio.
Bagamat walang direktang pagbabanggit sa pangalan ni Annabelle, tila sumasalamin sa kanyang saloobin tungkol sa naturang isyu ang kanyang mga mensahe.
