Kinumpirma ni DJ Mo Twister sa Juicy! ng TV5 kagabi, November 22, ang balitang dumalaw sa kanya ang ex-girlfriend na si Rhian Ramos nang ma-confine siya sa St. Luke's Medical Center Global City.

Dumalaw si Rhian kay Mo noong Biyernes, November 18.

Ang co-host ni Mo na si Cristy Fermin ang nagkuwento ng pagdalaw ng Kapuso actress sa radio-TV host.

Nakita raw kasi ng source ni Cristy si Rhian sa nabanggit na ospital nung araw na i-serve kay dating Pangulong Gloria Macapagal-Arroyo ang warrant of arrest nito dahil sa election fraud.

Pero itinanggi ni DJ Mo na binantayan siya ni Rhian hanggang alas-kuwatro ng madaling-araw noong Sabado.

Kuwento ng radio-TV host, "Noong na-confine ako sa St. Luke's for some tests noong last weekend, nasa St. Luke's ako.

"Ayokong sabihin na binantayan ako...

"Pumunta siya, si Rhian visited me amongst many other friends...like, nandoon si Drew Arellano.

"Nagbisita sa akin. Pero yun nga, she visited me sa hapon noong may mga time na GMA something.

"Tapos, umalis naman siya, kasi may work siya.

"Bumalik siya ng sandali sa gabi."

NO GAG ORDER. Nilinaw rin ni Mo ang estado ng relasyon nila ni Rhian ngayon.

Aniya, "Rhian and I have been having a hard time these past few weeks regarding some things.

"Ayokong sabihin na we're in good terms, but she's very been nice to me.

"I really can't say if we have communication dahil dati, yung mga pinagdaanan namin, may mga lawyers na involved, and this is really hard to..."