Si  Zia Quizon ang nag-uwi ng tropeyo para sa kategoryang Favorite New Artist sa MYX Music Awards 2012 na ginanap kagabi, March 13, sa Music Museum.

Bukod sa kanyang napanalunang award, nominado rin si Zia sa mga kategoryang Favorite Female Artist at Favorite Song para sa hit song niyang "Ako Na Lang."

Bago ang pagbibigay ng awards, nakausap na ng PEP.ph (Philippine Entertainment Portal) si Zia sa lobby ng Music Museum. 

NEW ALBUM. Kahit baguhan pa lang sa music industry, hindi maikakailang marami ang humahanga at marami nang natatanggap na papuri si Zia.

"I guess, I'm just really relieved. Kasi, nag-promise ako sa sarili ko na okay, gagawa ako ng album.

"Kapag ayaw nila, ayoko nang i-force.

"Yeah, I really promised myself because I know in this industry, especially in the Philippine music industry, it's very hard when you're different. 

"You know, I wasn't very sure if people would embrace that.

"Pero hindi lang ini-embrace, people were really happy that there's something new and different now.

"And I hope, that I can keep pleasing people with my music."

Bago pa man malaman ni Zia na siya ang nanalong Favorite New Artist, tinanong namin siya kung may expectation ba siya na makakasungkit ng award.

 "A bit," pag-amin ni Zia.

"Nakatutok lang naman ang nanay ko [Zsa Zsa Padilla] at palaging nagti-text... 

"'Okay, nag-start na ba? Nag-start na ba?'

"But I guess, she's just happy that I am nominated at saka alam naman niya how hard... not just I worked, but how hard she also helped and worked to help me where I am now."