Mukhang matutuloy na ang balak na pagbili ng business tycoon na si Manny V. Pangilinan, o MVP, sa GMA-7.

Ito ay ang ipinapahiwatig ng balitang inilathala sa Philippine Star
noong Sabado, April 14.

Tumataginting na P45 billion pesos umano ang offer ni MVP para mabili ang Kapuso network.

Si MVP ang isa sa mga pinakamayamang tao sa Pilipinas.

Siya ang chairman ng ilan sa pinakamalalaking kompanya sa bansa—'tulad ng PLDT, Smart Communications, at TV5.

Ang GMA-7 naman ay isa sa mga pinakamalaking TV networks sa bansa.

Tatlong pamilya ang key shareholders nito: ang mga Gozon, Jimenez, at Duavit.

Matatandaang matagal na ang mga usap-usapang balak bilhin ni MVP ang GMA-7.

Sa katunayan ay tila inamin ito ng businessman sa isang panayam sa kanya noong nakaraang buwan, sa pagsasabing matagal na siyang nakikipag-negosasyon para rito.

(CLICK HERE to read related story.)

Ngunit kahit malakas ang bali-balita, ay itinanggi ito ng mga
stockholders ng Kapuso network.

Sa isang pahayag ay sinabi ni Atty. Felipe Gozon, chairman at CEO ng GMA-7, na wala pang diskusyong nagaganap.

(CLICK HERE to read related story.)

Aniya, “We are flattered by the expression of continued interest on the part of MVP. However, there has been no price offered that could form the basis of discussion between the parties.”

Kaya naman hindi na nakakagulat ang balita ngayon na may ino-offer na presyo na umano si MVP para bilhin ang network.

Ayon muli sa Philippine Star, ang P45 billion ay para umano sa
100-percent stake sa kompanya.