Sa pagkamatay ni Congressman Iggy Arroyo sa London noong January 26, 2012, nagkaroon ng malaking kontrobersiya sa pagitan ng dalawang babae sa buhay niya—sina Aleli Arroyo at Grace Ibuna.

Si Aleli ang legal wife ni Iggy, samantalang si Grace naman ang longtime girlfriend ng kongresista.

Dahil sa kontrobersiyang ito ay nadawit din ang iba pang mga taong may kaugnayan kay Iggy, tulad ni Garrie Concepcion.

HER BIOLOGICAL FATHER. Si Garrie ay anak ni Grace sa aktor na si Gabby Concepcion at kapatid sa ama ni KC Concepcion.

Live na nag-guest si Garrie sa The Buzz kahapon, March 4.

Bagamat si Gabby ang tunay na ama ni Garrie, si Iggy ang halos nakagisnan niyang ama kung kaya't naging malapit siya rito.

Ang unang tanong ni Boy Abunda kay Garrie ay kung kailan niya huling nakita ang amang si Gabby at kapatid na si KC.

"Last time ko pong nakita si Ate was before I left. Noong nandito po si Cloie. That was January po," sagot niya.

Si Cloie Syquia Skarne ay ang isa pa niyang kapatid sa ama; anak ni Gabby sa dating aktres na si Jenny Syquia.

What about Gabby?

"Si Papa, I saw... I think before Christmas.

Pero nagte-text at nagkakausap naman daw sila nito.

Pahabol ni Garrie, "Yes, even when I was in London, my Papa was texting me."

Kinumusta rin ni Boy ang pagkikita nila ni Cloie.