"Pero kung may mangyari sa 'yo, hindi naman siguro ibig sabihin noon, bad ka."

Malapit na ang Valentine's Day, may date ba siya?

"Naku, busy po akong mag-promo ng My Beloved. At saka, hindi ako nagdi-date ng Valentine's Day kasi."

Sa isang banda, itinanggi naman ni Katrina na nagbenta siya ng lupa na gagawin niya sanang resort kung kaya't marami raw siyang pera.

Ayon kay Katrina, "Grabe naman, hindi pa nga nako-close ang deal."

Madadaanan daw kasi ng ginagawang highway ang lupa niya kaya binili ito.

"Hindi po yun totoo.  Naku, may lupa ako pero walang resort. Grabe naman.

"Wait lang po. May investor. Kapag meron na, padalhan ko kayo ng picture.

"O dalhin ko kayo ro'n. Pero, wala pa. At saka, matagal-tagal pa yun kung gagawin.

"At saka, masaya naman ako sa buhay ko. May kinakain naman ako," natawa niyang sabi.

"At saka, may farm ako ro'n. Gusto ko nga ro'n tumira."

Nahihilig din si Katrina sa meat processing. Bumibili raw siya ng karne at gawa lang daw siya nang gawa sa bahay at yun daw ang kinakain niya.

Nahihilig din daw siya sa pagbi-bake at nagdala nga raw siya ng cupcake sa taping nila.

ON HAYDEN KHO. Tinanong din ang reaksiyon ni Katrina sa balitang pagbabalik showbiz raw ni Hayden.

Tugon lang ni Katrina, "Ow? That guy? He's coming back? Oh, good luck to him!" ang natawang sabi lang niya.