Pormal nang nagpaalam si Derek Ramsay sa ABS-CBN, ngunit hindi pa siya nakapagdedesisyon kung lilipat na nga siya sa TV5.

Ito ang naging paglilinaw ng actor-TV host nang makausap siya ng PEP.ph (Philippine Entertainment Portal) sa telepono ngayong gabi, Abril 2.

Nakatanggap kasi ng opisyal na statement ang PEP.ph (Philippine Entertainment Portal) ngayong gabi rin, mula sa pinuno ng ABS-CBN Corporate Communications na si Mr. Bong Osorio.

Nakasaad sa maikling statement na nakapagdesisyon na raw si Derek na lumipat sa Kapatid network.

Ito ang kabuuang pahayag na naipadala sa PEP at iba pang media outfits sa pamamagitan ng e-mail:

“Nagdesisyon na si Derek Ramsay na lumipat sa TV5. Sa mga nakaraang buwan ay ginawa ng ABS-CBN ang kaya nitong gawin para makumbinsi siya na manatiling Kapamilya. Ngunit naging mahirap para kay Derek na tanggihan ang ini-alok na halaga ng TV5 sa kanya. Nais namin pasalamatan si Derek sa maraming taong inilagi niya sa ABS-CBN."

Subalit nang makausap ng PEP si Derek ay sinabi nitong: “I haven’t signed with TV5 yet. But we just mentioned to Sir Gabby [Lopez, ABS-CBN chairman and CEO] that we are not going to renew.”

“TOUGHEST DECISION.” Matagal na ring usap-usapan ang paglipat ni Derek sa ibang network.

Sa huling panayam kay Derek, na nagkataong huling araw ng kontrata niya sa ABS-CBN, sinabi niyang hihintayin muna kung may offer mula sa Kapamilya network bago siya gumawa ng susunod na hakbang.

(CLICK HERE to read related article.)

Nang magkaroon na ng offer, pinag-usapan daw ng kanyang pamilya kung ano ang magiging desisyon niya.

Sa huli, nagkasundo ang pamilya ng aktor na hindi na i-renew ang kontrata ni Derek sa ABS-CBN.

Sabi ni Derek sa PEP ngayong gabi: “You know, I’ve been with ABS-CBN for six years.

“In that six years, I gave them loyalty. I gave them all that I could.

“I think I performed naman with all the projects that they gave me.