Tulad ng ibang miyembro ng cast ng The Road, hindi rin iniisip ni Rhian Ramos na siya ang bida sa bagong horror movie na dinirek ni Yam Laranas under GMA Films.
Lahat daw sila ay masasabing kailangan sa pelikula na ipapalabas na sa Nobyembre 30.
Sa panayam ng media, kasama na ang PEP.ph (Philippine Entertainment Portal), sinabi ni Rhian na mahilig siyang manood ng horror movies.
"Super! [And] I really like this one.
"Kasi... you really find the connection. May back story. Mas emotional siya kesa nanggugulat lang.
"Kakaiba talaga 'to. Hindi lang ito ang favorite ko sa mga horror movies na ginawa ko, ito yung favorite ko sa lahat ng movies na ginawa ko.
"Although sa ibang movies, mas malaki ang exposure ko, pero ito pa rin ang favorite ko kasi, maganda talaga ang kuwento.
"Maganda ang script, maganda ang execution, maganda ang production design. Maganda ang acting ng lahat."
Sino ba ang bida sa pelikula?
"Wala, ako mismo, hindi ko nga alam kung sino ang bida.
"Lahat kami may kanya-kanyang part and I think everyone did his own part talaga."
ON ALDEN RICHARDS. Pinaalam naman ng entertainment press kay Rhian na siya ang crush ng co-star niyang si Alden Richards.
Nakangiting sabi naman ni Rhian, "Sabihin mo, sabi ko, I thank you. Baka sisihin ako kapag hindi totoo."
May nakaisip na nga ng ideya na gawing loveteam sila. Okay ba sa kanya yun?
"Well, oo, pero, hindi naman talaga ako nagkaka-loveteam, e.
