Magiging espesyal para kay Lovi Poe ang buwan ng October. Bukod sa kanyang first major concert sa Music Museum, ang Lovi Bloom, sa buwan ding ito ilalabas ang kanyang second album, Bloom.
Aminado si Lovi na, for a while, nawala ang focus niya sa kanyang singing career dahil nagkasunud-sunod ang mga series na ginawa niya for GMA-7. Pero hindi raw mawawala sa sistema niya ang pagkanta, lalo pa nga't ito talaga ang kanyang first love.
"I think, I just needed a break for a while. I tried to balance singing and acting at the same time. Kaya naman, during Kaputol ng Isang Awit days, sa sobrang pagod ko, yung role ko ro'n, palagi akong sumisigaw, palagi akong galit, so, wala...nawawalan ako ng boses. Hirap akong mag-recording, hindi ako kumakanta nang live. But then, siyempre, kailangang kayanin. Yun nga lang, one by one," kuwento ni Lovi.
But, definitely, no regrets na pinagsabay niya nga ang pag-arte at pagkanta:
"Kasi, kahit papaano, I'm happy na kapag pumupunta ako sa places, alam naman ng ibang tao yung mga songs ko. I'm actually happy na dahan-dahan lang. Ayoko kasing magmadali, ayoko ng biglaan lahat."
AWAY FROM JOLO. Pinabulaanan naman ni Lovi na kaya siya bumalik sa singing ay para mailayo siya ng mommy niyang si Rowena Moran from Jolo Revilla.
"Wala namang ganoon. Because for me... siguro hindi ko na lang din masyado nabigyang-pansin yung singing ko. I started with Sony-BMG and I want to continue that. And thankful ako because they are always there for me. And yung concert, isa ito sa mga gustong kong magawa talaga as a singer and I'm given naman this kind of opportunity."
Pero natatawang sumag-ayon si Lovi na mas kaunti nga raw ang intriga sa recording kaysa sa acting.
"Yes, yes, that's true. Actually, when I started singing already, siguro, naka-tie-up lang sa akin yung name ng daddy ko [Fernando Poe Jr.] kaya masyadong marami, mabigat. At first, it's very difficult. But I got used to it kasi kung hindi, you'll go crazy talaga," natatawa na lang niyang sabi.
STRONGER. Lovi believes na yung mga intrigang pinagdaanan niya makes her stronger now.
"Actually, kapag naiisip ko yung mga pinagdaanan kong intriga, hindi naman ako nagre-regret. Although, at first, at the beginning, parang...why? Hindi pa nga masyadong nag-sink in sa akin during that time.
"I didn't really realize that it was such a big deal, but then, for me, it's okay. Siguro, mahirap lang talagang i-set aside yung personal life mo sa showbiz. But now, I'm trying my best to do that. It's hard because people will always have something to say, but okay lang din naman sa akin yun because everyone has their own opinion about things."
May mga lesson din ba siyang natutunan sa mga pinagdaanan niya?
"I learned that if I have something going on with me, siguro, I'll just keep it to the people who I really trust and who wouldn't actually do anything to hurt me. Because it's not my fault naman na lumabas lahat, I just don't want to elaborate that, but then, right now, I'm okay naman."
STILL IN TOUCH WITH JOLO. When it comes to Jolo Revilla, obviously, mas maingat at mas matipid na itong magsalita, particularly when PEP (Philippine Entertainment Portal) asked her about their real status.
