Ayon kay Jericho Rosales, wala siyang lovelife ngayon after his breakup with TV host Chesca Litton. Pero pilit na inuugnay ngayon ang kanyang pangalan sa dalawang Andi—ang radio-TV host na si Andi Manzano at ang young actress na si Andi Eigenmann.

Itinanggi ni Echo na may romantic siyang kaugnayan alinman sa dalawa.

"Wala, wala talaga yun. Andi [Manzano] and I are friends," sabi ng aktor sa presscon ng Green Rose kahapon, February 9, sa 14th floor ng ELJ Bldg. sa ABS-CBN compound.

Hindi ba niya nakikita na ang sinasabi nilang friendship ni Andi Manzano ngayon can go further?

"Siguro it's not that stage... Andi and I, we're friends talaga. I got to talk to them about my life, lovelife man or kung anuman ang nangyari sa akin in the past, nakakausap ko sila about it. 

"So, I treasure them and I respect them, really talaga. When I say I treasure it, I don't wanna cross like boundaries, ganoon," saad niya.

Ano naman 'yong nakita raw sila ni Andi Eigenmann sa Cebu?

"Kami ni Andi, nagkita sa isang lugar sa Cebu. Pero hindi kami nag-date, nagkita lang kami. May mga kasama siya, mga barkada niya. Nandoon lang ako, siyempre babatiin ko. 

"And Andi and I, palagi kaming nagkikita sa isang gasoline station, kasi magkapitbahay kami. Actually, kapitbahay ko po ang dalawang Andi," paliwanag ni Jericho.

NOT IN A HURRY. Mas gusto ba niyang wala muna siyang lovelife ngayon?

"Hindi ko kasi alam kung kailan ako tatamaan," sagot niya. "But this year kasi, as much as possible, sana maka-concentrate ako sa lahat ng plano ko. Na plinano ko last year... We'll see, we'll see.  

"Kailangan ma-focus ko yung sarili ko dun. Magawa ko muna yun. Hindi ko naman sinasabing distraction ang lovelife, but when it comes... When the Lord gives it to me, alam Niya rin naman ang babalansehin para sa akin, di ba?

"I just think this year for me is para ma-strengthen ko lalo yung priorities ko. Alam kong gawin kung ano ang mga kailangan kong gawin this year and plus the fact na hindi naman ako nagmamadali."

Tinanong din ng PEP (Philippine Entertainment Portal) si Jericho kung may kinalaman ba ang series of breakups niya sa desisyon niya at sa pananaw niya sa pagkakaroon muli ng relationship?

"Hindi... Ano lang, alam ko lang kung ano ang gusto ko ngayon. Alam ko lang kung ano ang gusto ko.