Ngayong araw, March 7, ay nagdiriwang ng kanyang 22nd birthday ang young actor na si Gerald Anderson. Pero kahapon, March 6, ay nagkaroon siya ng advance birthday celebration sa The Buzz.

Si Gerald din ang sumalang sa "The Abunda Challenge" segment ng host ng programa na si Boy Abunda.

CRAZY LITTLE THING CALLED LOVE. Ang unang tanong ni Boy kay Gerald ay kung ano ang "craziest thing" na nagawa ni Gerald because of love?

"The craziest thing I did for love? Wow! Puwede sa nanay?" natatawang tanong ni Gerald, na sinagot naman ni Boy na dapat ay "romantic love."

Kaya ikinuwento na ni Gerald ang "craziest thing" na ginawa niya for love.

"Okay, sige, 15 years old po ako, championship [basketball] game namin sa Gen San. Yung crush ko, nasa stand, nanonood siya sa audience. Tapos, bumili kasi ako ng flower, nandoon sa ilalim ng bench. Sa harap ng marami, championship game namin, umakyat ako sa taas at ibinigay ko sa kanya, sa harapan ng mga tao. Pero crush lang naman yun."

Sa Catch Me, I'm In Love, karibal niya si Matteo Guidicelli kay Sarah Geronimo. Sa totoong buhay, ano ang masasabi ni Gerald na lamang niya kay Matteo?

"Sa totoong buhay? Ewan ko...Matteo is a good guy. Guwapo ko, e! Joke lang!" natatawa niyang bawi.

"Nasa likod si Matteo. Joke lang, ha!"

One year from now, after nilang gawin ni Sarah ang movie, ano ang nakikita ni Gerald na posibleng maging ugnayan nila ni Sarah?

"Sana tuloy-tuloy ang friendship namin kasi sobra na kaming nagiging close dito sa movie. Kahit sa pamilya niya, si Mommy Divine, si Daddy [Delfin]. Tawag ko nga kay Daddy, 'action star.' Kasi, mukha siyang action star. 

"Sana magkasama kami sa isang show. Sana tuloy-tuloy ang friendship. "

Natawa naman si Gerald nang banggitin sa kanya ni Boy ang isang interview ni Sarah kung saan sinabi nito na sana raw, ang susunod na lalaki sa kanyang buhay ay manligaw muna sa kanyang ina. Yun ba ang ginagawa ni Gerald?

Napatayo si Gerald at tila nag-blush.

Pero aniya, "Hindi naman po. Close naman po kaming lahat."