Hindi naman lingid sa karamihan na bago tanggapin ni Carmina Villarroel ang afternoon soap ng GMA-7 na Pahiram ng Isang Ina ay tinanggihan muna niya ang role sana para sa primetime series na Munting Heredera.

Paliwanag ni Carmina noon, masyadong nakakapagod gumawa ng soap kaya minabuti niyang huwag munang gumawa nito. At napunta nga ang naturang role kay Camille Prats.

Kaya marami ang nagulat nang tanggapin niya ang Pahiram ng Isang Ina, na isa ring soap opera.

Paliwanag naman ng actress-TV host, "Siguro panahon na para bumalik na rin ako. Ilang years na rin akong nagho-host.

"Hindi ko kasi ine-expect na marami pala ang nakaka-miss sa akin sa paggawa ng drama. 

"So, noong malaman nila na gagawa ako ng soap, parang, 'Ay, hinahanap din pala nila ako.' Panahon na rin kasi ito.

"Kasi kapag parang hindi suwabe, parang may mali, then that's the time na I say, ayoko.

"Pero ito, wala naman akong naramdamang ganoong feelings. Parang nangyari lang."

Nakausap ng PEP.ph (Philippine Entertainment Portal) si Carmina sa presscon ng Pahiram ng Isang Ina kagabi, August 8, sa Executive Lounge ng GMA Network Center.

Bukod sa bagong soap opera na ito ay napapanood pa rin si Carmina sa reality show na Day Off sa GMA News TV at sa weekly sitcom na Pepito Manaloto sa GMA-7.

FIRST TIME. Ayon kay Carmina, marami raw first sa kanya dito sa Pahiram ng Isang Ina.

Isa na rito ang pakikipagrabaho niya kay Direk Joel Lamangan at gayundin ang karamihan sa cast, na kinabibilangan nina Bea Binene at Jhake Vargas.

May mga kundisyon ba siyang hiningi sa paggawa ng Pahiram ng Isang Ina, tulad ng si Direk Joel ang direktor?

"Hindi, tulad nga ng sinabi ko, kapag may na-feel ako... tried and tested na yung ganoong gut feel ko, e. 

"So, every time na may napi-feel ako at may narinig kayo na tinanggihan ko 'to, tinanggihan ko 'yan, it's because yun ang naramdaman ko.