Excited na si Zoren Legaspi sa muli niyang pagsabak sa paggawa ng primetime teleserye.

This time ay sa TV5 siya nagte-taping para sa Glamorosa, na nakatakdang mapanood sa Nobyembre kapalit ng Sa Ngalan ng Ina, ang mini-series ni Nora Aunor.

Sa GMA-7 pa huling gumawa ng teleserye si Zoren, ang panghapong soap na Nita Negrita, na nagtapos noong Hunyo 2011. Nakalabas din siya sa Machete bilang ama ng bidang si Aljur Abrenica.

Bukod sa Glamorosa, napapanood din si Zoren sa showbiz talk show ng TV5, ang Paparazzi Showbiz Exposed.

Ibig sabihin ba nito ay tuluy-tuloy na ang pagtatrabaho niya sa Kapatid network?

"So far, nandito kasi yung magagandang opportunities, e. Not the deal, ha. Mas tinitingnan ko yung opportunity, e," sabi ni Zoren.

Paglilinaw pa niya, per-project basis daw kasi siya sa TV5.

"Hindi kasi ako nagpapatali, e. Pero okay lang din magpatali kung talagang maganda yung opportunity.

"Pero parang nasanay na ako na hindi ako natatali."

Nakausap ng PEP.ph (Philippine Entertainment Portal) si Zoren sa first taping day ng Glamorosa kahapon, October 11, sa location nila sa Brgy. Addition Hills, Mandaluyong City.

WORKING WITH LORNA AND ALICE. Ang ikinaka-proud pa ni Zoren sa Glamorosa ay ang pagkakataong makatrabaho ang magagaling na artistang sina Alice Dixson at ang bagong Kapatid na si Lorna Tolentino.

Ani Zoren, "Katulad niyan, dito ko lang mae-experience na maka-partner si Lorna Tolentino and si Alice Dixson.

"Sa ibang channel naman, hindi. Umiikot lang ako kina Sheryl Cruz, Ruffa Gutierrez, Carmina [Villarroel, his partner], Aiko [Melendez], Gelli [de Belen], Lotlot [de Leon], yung mga ganun.

"Ngayon lang ako lumabas dun sa circle na yun."

Kumusta naman katrabaho si Lorna?