Naging mahaba ang pakikipag-usap ng PEP.ph (Philippine Entertainment Portal) kay Jako de Leon sa launching ng coffee table book na Eat Bulaga! Ang Unang Tatlong Dekada noong October 6 sa Whitespace sa may Chino Roces Ave. Extension, Makati City.
Si Jako, 26, ang ikalawa sa tatlong anak ng isa sa mga host ng Eat Bulaga! na si Joey de Leon sa misis nitong si Eileen Macapagal; ang dalawa pa ay sina Jocas at Jio.
May dalawa ring anak si Joey sa aktres na si Daria Ramirez—sina Cheenee at Keempee de Leon.
Malaki ang kinalaman ni Jako sa naturang coffee table book na nagbabalik-tanaw—sa pamamagitan ng mga larawan at salita—sa unang tatlong dekada ng longest-running show sa Pilipinas.
Si Jako ang tagapamahala ng kabuuang design concept ng libro, na isinulat naman ng columnist at TV host na si Butch Francisco.
THE FIRST THREE DECADES. Ayon kay Jako, dalawang taon inabot ang masinsinang pagbuo ng coffee table book.
Nagsimula raw ang lahat nang mapanood ni Jako ang tribute para sa King of Pop na si Michael Jackson, na sumakabilang-buhay noong June 25, 2009.
Kuwento niya sa PEP, "I saw the Michael Jackson tribute and I said, like, 'You know what, it's about time Eat Bulaga! did something for their 30th year.
"And me and my dad are kinda coining the term 'Tatlong Dekads From Dabarkads.'
"And I was like, okay, it's good to have a full year of celebration rather than just one day. They've done that before with the 25th [anniversary].
"And I wanted parang a full year of celebration, and to encapsulate it, we'd like to have a coffee table book.
"I call it a photo biography, a photo biography of Eat Bulaga! through thirty years—Unang Tatlong Dekada, the first 30 years, the book.
"So, that's why I titled it like that."
Pero ang hindi alam ni Jako, habang sinisimulan na niyang sulatin ang libro, meron na palang libro na ginawa ang mga nasa likod ng Eat Bulaga! para sa silver anniversary ng show, na isinulat nga ni Butch.
"I started writing it, and then I realized, 'You know what, I'm writing from their material anyway, let's get Butch back in the project.'
"So, I had Butch write the material na. And then we both collaborated.
