"I play the mom of Marian [Rivera] and also reyna ng mga Dragona," bungad na kuwento ni Alice Dixson sa presscon ng Ang Panday 2."
Nakausap siya ng PEP.ph (Philippine Entertainment Portal) nuong Huwebes, Disyembre 1, sa Annabel's restaurant sa Tomas Morato, Quezon City.
"At tsaka si Tito Eddie [Garcia] yung ama ko," dagdag pa niya.
First time working with Marian?
"No, nakasama ko si Marian sa Enteng Kabisote [movie], parang... introducing pa lang siya."
Dahil nakatrabaho na niya ang Primetime Queen at Amaya star noong hindi pa ito big star, ano sa tingin ni Alice ang pagkakaiba kay Marian nuon at ngayon?
"Ah, siguro mas malaki na yung talent fee niya," tumatawang pahayag ni Alice.
"Iyon lang, iyon lang. Wala naman siyang pinagbago."
Narinig ba niya ang mga tsismis na suplada at maldita raw si Marian...
"Ah hindi naman siya nagpakita ng kasupladahan sa akin kung anuman. Okay naman.
"Magaan siyang katrabaho, she's ano she's...nagkukuwentuhan kami, kasi we share the same dressing room, nagkukuwento siya about her lovelife, ganyan...
"Kasi pareho kaming Leo, tapos yung boyfriend niya yata Leo din.
"E, yung ex ko before, Leo din, so may tinatanong siya about sa ugali ng mga lalaking Leo, iyon.
"Kuwentuhan lang, ganun lang."
LEAVING FAE. Dati ay siya si Fae sa Okay Ka Fairy Ko TV series, pero ngayon ay kasama siya sa Ang Panday 2 na ang kalaban ay ang movie ni Vic Sotto at Ai-Ai delas Alas na Enteng Ng Ina Mo.
