Ilang buwan na ang nakalipas simula nung banggitin ni Paolo Contis na may pinagkaka-abalahang bagong negosyo ang ina ng kanyang dalawang anak na si Lian Paz. 

Pero nito lamang nakausap ng PEP.ph (Philippine Entertainment Portal) ang dating EB Babes dancer tungkol sa kanyang bagong baby: ang Market Philippines, na siyang nagdi-distribute ng Motives Cosmetics, na matagal na sa Amerika at ginagamit ng ilang Hollywood celebrities gaya nina  Jennifer Lopez, Kim Kardashian at iba pa.

Mayo lang  niya ito simulan. At bagamat mas busy siya sa ngayon, blooming si Lian and looking confident sa kanyang mga ginagawa.

Kuwento niya, "It's a blessing in disguise. Like, I was doing nothing, I'm a housewife. I missed my passion in dancing pero parang nandoon yung gusto ko, maiba naman sa mundo ng showbiz for a while.

"'Tapos, nakita ko itong business na ito. Ini-introduce siya sa akin ni Kuya Nestor, Nestor Reyes, the husband of Ms. Winnie Reyes, the executive producer of GMA. 

"And then, he goes like, I have this friend na willing to have a franchise business na Motives Cosmetics.  So, I got interested right away, kasi, it's cosmetic, maarte ang lola.  

"So, sabi ko, sige, go ako diyan kahit hindi ko naiindintihan ang business na sinasabi mo.  Tapos yun nga, nag-sign up ako for a franchise at mas nauna pa akong nag-sign up kay Kuya Nestor."

Sa pagbabagong ito nakita ni Lian ang kaibahan ng ng corporate world sa showbiz.

Aniya, "Not for anything, it changed my life. I'm not that stressed anymore. Everything is so light and maybe because I just love what I'm doing at naiisip ko yung mga anak ko. 

"If they grow up, I want to be beside them all the time.  I want a business or a life na magbibigay sa akin na two to three years, puwede akong mag-retire.

"Kaya sabi ko, seseryosohin ko ang business na ito.  At yun nga, I earned my commission check already from Market America and then, my retail sales are good. To think na hindi ako good sa sales..."

Coordinator na ang position ni Lian sa Market Philippines. Nang makausap nga siya ng PEP, natapat sa kanilang recognition day, kung saan, isa si Lian sa nabigyan ng award sa Keith Doyle Challenge at nagbigay rin siya ng short speech.

Diretsahan naman naming tinanong si Lian kung networking ba ang nature ng bago niyang business. Pero nakangiti itong tumanggi.

Paliwanag niya, "Hindi, hindi talaga ganoon.  Kasi, I only need two business partners na katulad ko na masipag and there, I can build my own MA company. 

"Kasi, ang ginagawa ng networking, recruit nang recruit at doon ka kumikita ng checks mo. This company has all the products we need for our daily life. Parang department store that you have to franchise plus you have a web portal which they can visit. So, an internet-franchise company.  So, you can shop online."