Nang magkatanungan kung ano real-life "tililing" o kabaliwan ng cast ng bagong Viva movie na Tililing, napag-usapan na rin ng ilan sa cast members ang kanilang role sa movie.
Si Candy Pangilinan na huling napanood sa box-office hit na Jowable starring Kim Molina, sinabi agad sa kaharap na press na, "Hindi ho ako na-finger dito."
In reference ito sa eksena nila ni Kim sa Jowable kung saan tinanong siya ng character ni Kim ng, "Sister, nagfi-finger ka po ba?"
Naging usap-usapan ito bago ipalabas ang pelikula dahil isang madre ang role ni Candy sa Jowable na tinatanong ng character ni Kim kung nagpaparaos ng sarili.
Sa Tililing, papel naman ng isang hospital intern ang ginagampanan ni Candy. Kasama niya bilang mga interns din si Donnalyn Bartolome at ang introducing sa movie na si Yumi Lacsamana.
Sa usapang-tililing, ini-reveal nina Cai Cortez, Chad Kinis, Donnalyn, Candy, at Yumi kung ano ang ikinatitililing nila. Hindi na nagkuwento pa ang mga bidang sina Gina Pareno at Baron Geisler na nakilala na noon pa bilang mga artistang may tililing talaga.
Kaninong tililing kaya ang pinakamatindi?
Subscribe to our YouTube channel! http://bit.ly/PEPYouTubeChannel
Latest Videos
